Ubay ibn Kaʼb (roziyallohu anhu)dan rivoyat qilinadi: Bir kuni Rasululloh ﷺ bomdod namozini oʻqidilar, soʻng: «Falonchi namozda hozir boʻldimi?» dedilar. «Yoʻq», deyishdi. «Falonchi-chi?» dedilar. «Yoʻq», deyishdi. Shunda u zot: «Bu ikki namoz munofiqlarga eng ogʻir kelgan namozdir. Agar ularda nima borligini bilsalar edi, hatto emaklab boʻlsa ham kelardilar. Birinchi saf farishtalar safiga oʻxshaydir. Agar uning fazlini bilsangiz, unga oshiqardingiz. Kishining boshqa bir kishi bilan namoz oʻqishi yolgʻiz oʻqiganidan pokizaroqdir, kishining ikki kishi bilan namoz oʻqishi bir kishi bilan oʻqiganidan pokizaroqdir. Qancha koʻp boʻlsalar, Aziz va Jalil boʻlgan Allohga shuncha suyukliroqdir», dedilar.Убай ибн Каъб (розияллоҳу анҳу)дан ривоят қилинади: Бир куни Расулуллоҳ ﷺ бомдод намозини ўқидилар, сўнг: «Фалончи намозда ҳозир бўлдими?» дедилар. «Йўқ», дейишди. «Фалончи-чи?» дедилар. «Йўқ», дейишди. Шунда у зот: «Бу икки намоз мунофиқларга энг оғир келган намоздир. Агар уларда нима борлигини билсалар эди, ҳатто эмаклаб бўлса ҳам келардилар. Биринчи саф фаришталар сафига ўхшайдир. Агар унинг фазлини билсангиз, унга ошиқардингиз. Кишининг бошқа бир киши билан намоз ўқиши ёлғиз ўқиганидан покизароқдир, кишининг икки киши билан намоз ўқиши бир киши билан ўқиганидан покизароқдир. Қанча кўп бўлсалар, Азиз ва Жалил бўлган Аллоҳга шунча суюклироқдир», дедилар.