Ubay ibn Kaʼb (roziyallohu anhu) aytadilar: Bir kuni Rasululloh ﷺ bizga bomdod namozini oʻqitdilar va: «Falonchi hozirmi?» dedilar. Ular: «Yoʻq», dedilar. U zot (yana): «Falonchi hozirmi?» dedilar. Ular: «Yoʻq», dedilar. Shunda u zot: «Albatta, mana shu ikki namoz munofiqlarga namozlarning eng ogʻiridir. Agar ularda nima borligini bilsangiz edi, tizzalaringizda emaklab boʻlsa-da, ularga kelar edingiz. Birinchi saf farishtalar safi kabidir; agar uning fazilatini bilsangiz edi, unga (oʻzni urib) shoshilar edingiz. Kishining boshqa bir kishi bilan birga oʻqigan namozi yolgʻiz oʻzi oʻqigan namozidan pokroqdir, uning ikki kishi bilan birga oʻqigan namozi bir kishi bilan oʻqigan namozidan pokroqdir. (Jamoat) qancha koʻp boʻlsa, u Alloh taologa shuncha mahbubroqdir», dedilar.Убай ибн Каъб (розияллоҳу анҳу) айтадилар: Бир куни Расулуллоҳ ﷺ бизга бомдод намозини ўқитдилар ва: «Фалончи ҳозирми?» дедилар. Улар: «Йўқ», дедилар. У зот (яна): «Фалончи ҳозирми?» дедилар. Улар: «Йўқ», дедилар. Шунда у зот: «Албатта, мана шу икки намоз мунофиқларга намозларнинг энг оғиридир. Агар уларда нима борлигини билсангиз эди, тиззаларингизда эмаклаб бўлса-да, уларга келар эдингиз. Биринчи саф фаришталар сафи кабидир; агар унинг фазилатини билсангиз эди, унга (ўзни уриб) шошилар эдингиз. Кишининг бошқа бир киши билан бирга ўқиган намози ёлғиз ўзи ўқиган намозидан покроқдир, унинг икки киши билан бирга ўқиган намози бир киши билан ўқиган намозидан покроқдир. (Жамоат) қанча кўп бўлса, у Аллоҳ таолога шунча маҳбуброқдир», дедилар.