أَخْبَرَنَا مُحَمَّدُ بْنُ سَلَمَةَ، وَالْحَارِثُ بْنُ مِسْكِينٍ، قِرَاءَةً عَلَيْهِ وَأَنَا أَسْمَعُ، - وَاللَّفْظُ لَهُ - عَنِ ابْنِ الْقَاسِمِ، قَالَ حَدَّثَنِي مَالِكٌ، عَنِ ابْنِ شِهَابٍ، عَنْ عُرْوَةَ بْنِ الزُّبَيْرِ، عَنْ عَبْدِ الرَّحْمَنِ بْنِ عَبْدٍ الْقَارِيِّ، قَالَ سَمِعْتُ عُمَرَ بْنَ الْخَطَّابِ، - رضى الله عنه - يَقُولُ سَمِعْتُ هِشَامَ بْنَ حَكِيمٍ، يَقْرَأُ سُورَةَ الْفُرْقَانِ عَلَى غَيْرِ مَا أَقْرَؤُهَا عَلَيْهِ وَكَانَ رَسُولُ اللَّهِ صلى الله عليه وسلم أَقْرَأَنِيهَا فَكِدْتُ أَنْ أَعْجَلَ عَلَيْهِ ثُمَّ أَمْهَلْتُهُ حَتَّى انْصَرَفَ ثُمَّ لَبَّبْتُهُ بِرِدَائِهِ فَجِئْتُ بِهِ إِلَى رَسُولِ اللَّهِ صلى الله عليه وسلم فَقُلْتُ يَا رَسُولَ اللَّهِ إِنِّي سَمِعْتُ هَذَا يَقْرَأُ سُورَةَ الْفُرْقَانِ عَلَى غَيْرِ مَا أَقْرَأْتَنِيهَا . فَقَالَ رَسُولُ اللَّهِ صلى الله عليه وسلم " اقْرَأْ " . فَقَرَأَ الْقِرَاءَةَ الَّتِي سَمِعْتُهُ يَقْرَأُ فَقَالَ رَسُولُ اللَّهِ صلى الله عليه وسلم " هَكَذَا أُنْزِلَتْ " . ثُمَّ قَالَ لِي " اقْرَأْ " . فَقَرَأْتُ فَقَالَ " هَكَذَا أُنْزِلَتْ إِنَّ هَذَا الْقُرْآنَ أُنْزِلَ عَلَى سَبْعَةِ أَحْرُفٍ { فَاقْرَءُوا مَا تَيَسَّرَ مِنْهُ } " .
Umar ibn al-Xattob (roziyallohu anhu)dan rivoyat qilinadi: Men Hishom ibn Hakimning Furqon surasini men oʻqiganimdan boshqacha oʻqiyotganini eshitdim, holbuki uni menga Rasululloh ﷺ oʻqitgan edilar. Men unga (namozida) shoshib tashlanay dedim, soʻng namozini tugatgunicha kutdim, keyin uni ridosidan tutib Rasululloh ﷺ huzurlariga olib keldim va: «Ey Rasululloh, men bu kishining Furqon surasini siz menga oʻqitganingizdan boshqacha oʻqiyotganini eshitdim», dedim. Rasululloh ﷺ: «Oʻqi», dedilar. U men eshitgan qiroat bilan oʻqidi. Rasululloh ﷺ: «Ana shunday nozil qilingan», dedilar. Soʻng menga: «Oʻqi», dedilar. Men oʻqidim. U zot: «Ana shunday nozil qilingan. Albatta, ushbu Qurʼon yetti harf ustida nozil qilingan, bas {undan oson boʻlganicha oʻqinglar} (Muzzammil 20)», dedilar.Умар ибн ал-Хаттоб (розияллоҳу анҳу)дан ривоят қилинади: Мен Ҳишом ибн Ҳакимнинг Фурқон сурасини мен ўқиганимдан бошқача ўқиётганини эшитдим, ҳолбуки уни менга Расулуллоҳ ﷺ ўқитган эдилар. Мен унга (намозида) шошиб ташланай дедим, сўнг намозини тугатгунича кутдим, кейин уни ридосидан тутиб Расулуллоҳ ﷺ ҳузурларига олиб келдим ва: «Эй Расулуллоҳ, мен бу кишининг Фурқон сурасини сиз менга ўқитганингиздан бошқача ўқиётганини эшитдим», дедим. Расулуллоҳ ﷺ: «Ўқи», дедилар. У мен эшитган қироат билан ўқиди. Расулуллоҳ ﷺ: «Ана шундай нозил қилинган», дедилар. Сўнг менга: «Ўқи», дедилар. Мен ўқидим. У зот: «Ана шундай нозил қилинган. Албатта, ушбу Қуръон етти ҳарф устида нозил қилинган, бас {ундан осон бўлганича ўқинглар} (Муззаммил 20)», дедилар.