أَخْبَرَنَا مُحَمَّدُ بْنُ عَبْدِ اللَّهِ بْنِ بَزِيعٍ، قَالَ حَدَّثَنَا عَبْدُ الأَعْلَى بْنُ عَبْدِ الأَعْلَى، قَالَ حَدَّثَنَا عُبَيْدُ اللَّهِ، - وَهُوَ ابْنُ عُمَرَ - عَنْ أَبِي حَازِمٍ، عَنْ سَهْلِ بْنِ سَعْدٍ، قَالَ انْطَلَقَ رَسُولُ اللَّهِ صلى الله عليه وسلم يُصْلِحُ بَيْنَ بَنِي عَمْرِو بْنِ عَوْفٍ فَحَضَرَتِ الصَّلاَةُ فَجَاءَ الْمُؤَذِّنُ إِلَى أَبِي بَكْرٍ فَأَمَرَهُ أَنْ يَجْمَعَ النَّاسَ وَيَؤُمَّهُمْ فَجَاءَ رَسُولُ اللَّهِ صلى الله عليه وسلم فَخَرَقَ الصُّفُوفَ حَتَّى قَامَ فِي الصَّفِّ الْمُقَدَّمِ وَصَفَّحَ النَّاسُ بِأَبِي بَكْرٍ لِيُؤْذِنُوهُ بِرَسُولِ اللَّهِ صلى الله عليه وسلم وَكَانَ أَبُو بَكْرٍ لاَ يَلْتَفِتُ فِي الصَّلاَةِ فَلَمَّا أَكْثَرُوا عَلِمَ أَنَّهُ قَدْ نَابَهُمْ شَىْءٌ فِي صَلاَتِهِمْ فَالْتَفَتَ فَإِذَا هُوَ بِرَسُولِ اللَّهِ صلى الله عليه وسلم فَأَوْمَأَ إِلَيْهِ رَسُولُ اللَّهِ صلى الله عليه وسلم أَىْ كَمَا أَنْتَ فَرَفَعَ أَبُو بَكْرٍ يَدَيْهِ فَحَمِدَ اللَّهَ وَأَثْنَى عَلَيْهِ لِقَوْلِ رَسُولِ اللَّهِ صلى الله عليه وسلم ثُمَّ رَجَعَ الْقَهْقَرَى وَتَقَدَّمَ رَسُولُ اللَّهِ صلى الله عليه وسلم فَصَلَّى فَلَمَّا انْصَرَفَ قَالَ لأَبِي بَكْرٍ " مَا مَنَعَكَ إِذْ أَوْمَأْتُ إِلَيْكَ أَنْ تُصَلِّيَ " . فَقَالَ أَبُو بَكْرٍ رضى الله عنه مَا كَانَ يَنْبَغِي لاِبْنِ أَبِي قُحَافَةَ أَنْ يَؤُمَّ رَسُولَ اللَّهِ صلى الله عليه وسلم . ثُمَّ قَالَ لِلنَّاسِ " مَا بَالُكُمْ صَفَّحْتُمْ إِنَّمَا التَّصْفِيحُ لِلنِّسَاءِ " . ثُمَّ قَالَ " إِذَا نَابَكُمْ شَىْءٌ فِي صَلاَتِكُمْ فَسَبِّحُوا " .
Sahl ibn Saʼd (roziyallohu anhu)dan rivoyat qilinadi: Rasululloh ﷺ Banu Amr ibn Avf oʻrtasini yarashtirgani chiqib ketdilar. Shunda namoz vaqti kirib, muazzin Abu Bakrning oldiga kelib, odamlarni jamlab, ularga imomlik qilishini buyurdi. Keyin Rasululloh ﷺ kelib, saflarni yorib oʻtib, birinchi safda turdilar. Odamlar Rasululloh ﷺning kelganlarini bildirish uchun Abu Bakrni ogohlantirib qarsak chala boshladilar. Abu Bakr namozda oʻgirilmas edi. Ular qarsakni koʻpaytirishgach, u namozlarida bir narsa yuz berganini bilib, oʻgirildi va Rasululloh ﷺni koʻrib qoldi. Rasululloh ﷺ unga «Joyingda tur», deb ishora qildilar. Abu Bakr Rasululloh ﷺning aytganlari uchun qoʻllarini koʻtarib, Allohga hamd aytib, Uni ulugʻladi, soʻng orqasiga chekindi. Rasululloh ﷺ oldinga oʻtib, namoz oʻqidilar. Namozdan boʻshaganlarida Abu Bakrga: «Men senga ishora qilganimda, nega namozni davom ettirishdan (imomlikda qolishdan) toʻxtading?» dedilar. Abu Bakr (roziyallohu anhu): «Abu Quhofaning oʻgʻli Rasululloh ﷺga imomlik qilishi loyiq emas edi», dedi. Soʻng u zot odamlarga: «Nega qarsak chaldingiz? Qarsak chalish faqat ayollar uchun. Namozingizda biror narsa yuz bersa, tasbeh ayting (subhonalloh, denglar)», dedilar.Саҳл ибн Саъд (розияллоҳу анҳу)дан ривоят қилинади: Расулуллоҳ ﷺ Бану Амр ибн Авф ўртасини яраштиргани чиқиб кетдилар. Шунда намоз вақти кириб, муаззин Абу Бакрнинг олдига келиб, одамларни жамлаб, уларга имомлик қилишини буюрди. Кейин Расулуллоҳ ﷺ келиб, сафларни ёриб ўтиб, биринчи сафда турдилар. Одамлар Расулуллоҳ ﷺнинг келганларини билдириш учун Абу Бакрни огоҳлантириб қарсак чала бошладилар. Абу Бакр намозда ўгирилмас эди. Улар қарсакни кўпайтиришгач, у намозларида бир нарса юз берганини билиб, ўгирилди ва Расулуллоҳ ﷺни кўриб қолди. Расулуллоҳ ﷺ унга «Жойингда тур», деб ишора қилдилар. Абу Бакр Расулуллоҳ ﷺнинг айтганлари учун қўлларини кўтариб, Аллоҳга ҳамд айтиб, Уни улуғлади, сўнг орқасига чекинди. Расулуллоҳ ﷺ олдинга ўтиб, намоз ўқидилар. Намоздан бўшаганларида Абу Бакрга: «Мен сенга ишора қилганимда, нега намозни давом эттиришдан (имомликда қолишдан) тўхтадинг?» дедилар. Абу Бакр (розияллоҳу анҳу): «Абу Қуҳофанинг ўғли Расулуллоҳ ﷺга имомлик қилиши лойиқ эмас эди», деди. Сўнг у зот одамларга: «Нега қарсак чалдингиз? Қарсак чалиш фақат аёллар учун. Намозингизда бирор нарса юз берса, тасбеҳ айтинг (субҳоналлоҳ, денглар)», дедилар.