حَدَّثَنَا قُتَيْبَةُ، حَدَّثَنَا عَبْدُ الْعَزِيزِ، عَنْ أَبِي حَازِمٍ، عَنْ سَهْلِ بْنِ سَعْدٍ ـ رضى الله عنه ـ قَالَ بَلَغَ رَسُولَ اللَّهِ صلى الله عليه وسلم أَنَّ بَنِي عَمْرِو بْنِ عَوْفٍ بِقُبَاءٍ كَانَ بَيْنَهُمْ شَىْءٌ، فَخَرَجَ يُصْلِحُ بَيْنَهُمْ فِي أُنَاسٍ مِنْ أَصْحَابِهِ، فَحُبِسَ رَسُولُ اللَّهِ صلى الله عليه وسلم وَحَانَتِ الصَّلاَةُ، فَجَاءَ بِلاَلٌ إِلَى أَبِي بَكْرٍ ـ رضى الله عنهما ـ فَقَالَ يَا أَبَا بَكْرٍ، إِنَّ رَسُولَ اللَّهِ صلى الله عليه وسلم قَدْ حُبِسَ وَقَدْ حَانَتِ الصَّلاَةُ، فَهَلْ لَكَ أَنْ تَؤُمَّ النَّاسَ قَالَ نَعَمْ إِنْ شِئْتَ. فَأَقَامَ بِلاَلٌ الصَّلاَةَ، وَتَقَدَّمَ أَبُو بَكْرٍ ـ رضى الله عنه ـ فَكَبَّرَ لِلنَّاسِ، وَجَاءَ رَسُولُ اللَّهِ صلى الله عليه وسلم يَمْشِي فِي الصُّفُوفِ يَشُقُّهَا شَقًّا، حَتَّى قَامَ فِي الصَّفِّ، فَأَخَذَ النَّاسُ فِي التَّصْفِيحِ. قَالَ سَهْلٌ التَّصْفِيحُ هُوَ التَّصْفِيقُ. قَالَ وَكَانَ أَبُو بَكْرٍ ـ رضى الله عنه ـ لاَ يَلْتَفِتُ فِي صَلاَتِهِ، فَلَمَّا أَكْثَرَ النَّاسُ الْتَفَتَ فَإِذَا رَسُولُ اللَّهِ صلى الله عليه وسلم فَأَشَارَ إِلَيْهِ، يَأْمُرُهُ أَنْ يُصَلِّيَ، فَرَفَعَ أَبُو بَكْرٍ ـ رضى الله عنه ـ يَدَهُ، فَحَمِدَ اللَّهَ، ثُمَّ رَجَعَ الْقَهْقَرَى وَرَاءَهُ حَتَّى قَامَ فِي الصَّفِّ، وَتَقَدَّمَ رَسُولُ اللَّهِ صلى الله عليه وسلم فَصَلَّى لِلنَّاسِ، فَلَمَّا فَرَغَ أَقْبَلَ عَلَى النَّاسِ فَقَالَ " يَا أَيُّهَا النَّاسُ مَا لَكُمْ حِينَ نَابَكُمْ شَىْءٌ فِي الصَّلاَةِ أَخَذْتُمْ بِالتَّصْفِيحِ إِنَّمَا التَّصْفِيحُ لِلنِّسَاءِ، مَنْ نَابَهُ شَىْءٌ فِي صَلاَتِهِ فَلْيَقُلْ سُبْحَانَ اللَّهِ ". ثُمَّ الْتَفَتَ إِلَى أَبِي بَكْرٍ ـ رضى الله عنه ـ فَقَالَ " يَا أَبَا بَكْرٍ، مَا مَنَعَكَ أَنْ تُصَلِّيَ لِلنَّاسِ حِينَ أَشَرْتُ إِلَيْكَ ". قَالَ أَبُو بَكْرٍ مَا كَانَ يَنْبَغِي لاِبْنِ أَبِي قُحَافَةَ أَنْ يُصَلِّيَ بَيْنَ يَدَىْ رَسُولِ اللَّهِ صلى الله عليه وسلم.
Sahl ibn Saʼd (roziyallohu anhu)dan rivoyat qilinadi: Qubodagi Bani Amr ibn Avf ahli orasidagi nizo haqidagi xabar Allohning Paygʻambari ﷺ ga yetdi va u zot baʼzi sahobalari bilan — yarashtirish uchun — ularning oldiga bordilar. Allohning Paygʻambari ﷺ oʻsha yerda ushlanib qoldilar va namoz vaqti kirdi. Bilol Abu Bakrning oldiga kelib: «Ey Abu Bakr, Rasululloh ﷺ (oʻsha yerda) ushlanib qoldilar va namoz vaqti kirdi. Odamlarga namozga imomlik qilasizmi?» — dedi. Abu Bakr: «Ha, xohlasang», — deb javob berdi. Bas, Bilol iqomat aytdi va Abu Bakr oldinga oʻtdi, odamlar takbir aytdi. Shu orada Rasululloh ﷺ saflarni yorib oʻtib, (birinchi) safda turguncha keldilar va odamlar qarsak chalish boshladi. Abu Bakr namozda u yon-bu yonga qaramas edi, lekin odamlar koʻp qarsak chalgach, u orqaga qaradi va Rasululloh ﷺ ni koʻrdi. Paygʻambar ﷺ unga (imomlikni) davom ettirishni imo qildilar. Abu Bakr ikki qoʻlini koʻtarib, Allohga hamd aytdi, soʻng — safda turguncha — orqaga chekindi va Rasululloh ﷺ oldinga oʻtib, odamlarga namozga imomlik qildilar. U zot namozni tugatgach, odamlarga (qarab): «Ey odamlar, namozda sizlarga biror narsa yuz bersa, nega qarsak chalish boshladingiz? Qarsak chalish — ayollar uchun(dir). Kim namozda biror gʻayriodatiy (narsa) bilan toʻqnash kelsa, ‹Subhanalloh›, — desin», — dedilar. Soʻng Paygʻambar ﷺ Abu Bakrga qarab: «Men senga (imomlikni) davom ettirishni imo qilganimda, seni imomlik qilishdan nima toʻsdi?» — dedilar. Abu Bakr: «Ibn Abu Quhofaga — Rasululloh ﷺ ning huzurida namozga imomlik qilish — yarashmaydi», — deb javob berdi.Саҳл ибн Саъд (розияллоҳу анҳу)дан ривоят қилинади: Қубодаги Бани Амр ибн Авф аҳли орасидаги низо ҳақидаги хабар Аллоҳнинг Пайғамбари ﷺ га етди ва у зот баъзи саҳобалари билан — яраштириш учун — уларнинг олдига бордилар. Аллоҳнинг Пайғамбари ﷺ ўша ерда ушланиб қолдилар ва намоз вақти кирди. Билол Абу Бакрнинг олдига келиб: «Эй Абу Бакр, Расулуллоҳ ﷺ (ўша ерда) ушланиб қолдилар ва намоз вақти кирди. Одамларга намозга имомлик қиласизми?» — деди. Абу Бакр: «Ҳа, хоҳласанг», — деб жавоб берди. Бас, Билол иқомат айтди ва Абу Бакр олдинга ўтди, одамлар такбир айтди. Шу орада Расулуллоҳ ﷺ сафларни ёриб ўтиб, (биринчи) сафда тургунча келдилар ва одамлар қарсак чалиш бошлади. Абу Бакр намозда у ён-бу ёнга қарамас эди, лекин одамлар кўп қарсак чалгач, у орқага қаради ва Расулуллоҳ ﷺ ни кўрди. Пайғамбар ﷺ унга (имомликни) давом эттиришни имо қилдилар. Абу Бакр икки қўлини кўтариб, Аллоҳга ҳамд айтди, сўнг — сафда тургунча — орқага чекинди ва Расулуллоҳ ﷺ олдинга ўтиб, одамларга намозга имомлик қилдилар. У зот намозни тугатгач, одамларга (қараб): «Эй одамлар, намозда сизларга бирор нарса юз берса, нега қарсак чалиш бошладингиз? Қарсак чалиш — аёллар учун(дир). Ким намозда бирор ғайриодатий (нарса) билан тўқнаш келса, ‹Субҳаналлоҳ›, — десин», — дедилар. Сўнг Пайғамбар ﷺ Абу Бакрга қараб: «Мен сенга (имомликни) давом эттиришни имо қилганимда, сени имомлик қилишдан нима тўсди?» — дедилар. Абу Бакр: «Ибн Абу Қуҳофага — Расулуллоҳ ﷺ нинг ҳузурида намозга имомлик қилиш — ярашмайди», — деб жавоб берди.