Sahl ibn Saʼd (roziyallohu anhu)dan rivoyat qilinadi: Paygʻambar ﷺ Bani Amr ibn Avf qabilalari orasida yarashtirish uchun (chiqib) ketdilar va namoz vaqti kirdi; Bilol Abu Bakrning oldiga borib: «Paygʻambar ﷺ (kechikib) ushlanib qoldilar. Odamlarga namozga imomlik qilasizmi?» — dedi. Abu Bakr: «Ha, xohlasang», — deb javob berdi. Bas, Bilol iqomat aytdi va Abu Bakr namozga imomlik qildi. Shu orada Paygʻambar ﷺ (namoz oʻqiyotgan odamlarning) saflarini yorib oʻtib, birinchi safda turguncha keldilar va odamlar qarsak chalish boshladi. Abu Bakr namozda u yon-bu yonga qaramas edi, lekin odamlar koʻp qarsak chalgach, u orqaga qaradi va Paygʻambar ﷺ ni (birinchi) safda koʻrdi. Paygʻambar ﷺ unga oʻz joyida qolishni imo qildilar, lekin Abu Bakr ikki qoʻlini koʻtarib, Allohga hamd aytdi, soʻng orqaga chekindi va Paygʻambar ﷺ oldinga oʻtib, namozga imomlik qildilar.Саҳл ибн Саъд (розияллоҳу анҳу)дан ривоят қилинади: Пайғамбар ﷺ Бани Амр ибн Авф қабилалари орасида яраштириш учун (чиқиб) кетдилар ва намоз вақти кирди; Билол Абу Бакрнинг олдига бориб: «Пайғамбар ﷺ (кечикиб) ушланиб қолдилар. Одамларга намозга имомлик қиласизми?» — деди. Абу Бакр: «Ҳа, хоҳласанг», — деб жавоб берди. Бас, Билол иқомат айтди ва Абу Бакр намозга имомлик қилди. Шу орада Пайғамбар ﷺ (намоз ўқиётган одамларнинг) сафларини ёриб ўтиб, биринчи сафда тургунча келдилар ва одамлар қарсак чалиш бошлади. Абу Бакр намозда у ён-бу ёнга қарамас эди, лекин одамлар кўп қарсак чалгач, у орқага қаради ва Пайғамбар ﷺ ни (биринчи) сафда кўрди. Пайғамбар ﷺ унга ўз жойида қолишни имо қилдилар, лекин Абу Бакр икки қўлини кўтариб, Аллоҳга ҳамд айтди, сўнг орқага чекинди ва Пайғамбар ﷺ олдинга ўтиб, намозга имомлик қилдилар.