Abdulloh ibn Amr (roziyallohu anhumo)dan rivoyat qilinadi: Rasululloh ﷺ: «Ikki xislat borki, ularni sanab bajargan har bir musulmon jannatga kiradi. Ular oson, ammo ularni qiluvchilar oz», dedilar. Yana Rasululloh ﷺ: «Besh vaqt namoz. Biringiz har namozdan soʻng oʻn marta tasbeh, oʻn marta tahmid, oʻn marta takbir aytadi. Bu tilda bir yuz ellik, mezonda esa bir ming besh yuz boʻladi», dedilar. Men Rasululloh ﷺ ularni qoʻllari bilan sanaganlarini koʻrdim. «Biringiz oʻrniga yoki yotogʻiga yotsa, oʻttiz uch marta tasbeh, oʻttiz uch marta tahmid, oʻttiz toʻrt marta takbir aytadi. Bu tilda yuz, mezonda esa ming boʻladi», dedilar. Yana Rasululloh ﷺ: «Qaysingiz bir kecha-kunduzda ikki ming besh yuz gunoh qiladi?», dedilar. «Ey Rasululloh, qanday qilib ularni sanamaymiz?», deyildi. Shunda u zot: «Albatta, shayton biringizning namozida oldiga kelib: ‹Buni esla, buni esla› deydi, uyqusi paytida ham kelib uni uxlatib qoʻyadi», dedilar.Абдуллоҳ ибн Амр (розияллоҳу анҳумо)дан ривоят қилинади: Расулуллоҳ ﷺ: «Икки хислат борки, уларни санаб бажарган ҳар бир мусулмон жаннатга киради. Улар осон, аммо уларни қилувчилар оз», дедилар. Яна Расулуллоҳ ﷺ: «Беш вақт намоз. Бирингиз ҳар намоздан сўнг ўн марта тасбеҳ, ўн марта таҳмид, ўн марта такбир айтади. Бу тилда бир юз эллик, мезонда эса бир минг беш юз бўлади», дедилар. Мен Расулуллоҳ ﷺ уларни қўллари билан санаганларини кўрдим. «Бирингиз ўрнига ёки ётоғига ётса, ўттиз уч марта тасбеҳ, ўттиз уч марта таҳмид, ўттиз тўрт марта такбир айтади. Бу тилда юз, мезонда эса минг бўлади», дедилар. Яна Расулуллоҳ ﷺ: «Қайсингиз бир кеча-кундузда икки минг беш юз гуноҳ қилади?», дедилар. «Эй Расулуллоҳ, қандай қилиб уларни санамаймиз?», дейилди. Шунда у зот: «Албатта, шайтон бирингизнинг намозида олдига келиб: ‹Буни эсла, буни эсла› дейди, уйқуси пайтида ҳам келиб уни ухлатиб қўяди», дедилар.