Abdulloh ibn Amr (roziyallohu anhumo)dan rivoyat qilinadi: Rasululloh ﷺ: «Ikkita xislat borki, uni har bir musulmon kishi ado etsa, albatta jannatga kiradi. Ular yengil, biroq ularga amal qiladiganlar oz. Har namoz oxirida Allohni oʻn marta tasbeh aytadi, oʻn marta takbir aytadi va oʻn marta hamd aytadi», dedilar. Men Rasululloh ﷺni buni qoʻllari bilan sanaganlarini koʻrdim. «Bu til bilan bir yuz ellik, mezonda esa bir ming besh yuz boʻladi. Toʻshagiga yotganda yuz marta tasbeh, hamd va takbir aytadi. Bu til bilan yuz, mezonda esa ming boʻladi. Qaysi biringiz bir kunda ikki ming besh yuz gunoh qiladi?», dedilar. Sahobalar: «Qanday qilib uni ado eta olmas ekan?», deyishdi. U zot: «Biringizga namozda turganida shayton kelib: ‹Falon-falon narsani esla›, deydi. Toki banda unutib, ado etmay qoladi. Toʻshagida yotganida ham kelib, uni uxlatishga urinaveradi, toki u uxlab qoladi», dedilar.Абдуллоҳ ибн Амр (розияллоҳу анҳумо)дан ривоят қилинади: Расулуллоҳ ﷺ: «Иккита хислат борки, уни ҳар бир мусулмон киши адо этса, албатта жаннатга киради. Улар енгил, бироқ уларга амал қиладиганлар оз. Ҳар намоз охирида Аллоҳни ўн марта тасбеҳ айтади, ўн марта такбир айтади ва ўн марта ҳамд айтади», дедилар. Мен Расулуллоҳ ﷺни буни қўллари билан санаганларини кўрдим. «Бу тил билан бир юз эллик, мезонда эса бир минг беш юз бўлади. Тўшагига ётганда юз марта тасбеҳ, ҳамд ва такбир айтади. Бу тил билан юз, мезонда эса минг бўлади. Қайси бирингиз бир кунда икки минг беш юз гуноҳ қилади?», дедилар. Саҳобалар: «Қандай қилиб уни адо эта олмас экан?», дейишди. У зот: «Бирингизга намозда турганида шайтон келиб: ‹Фалон-фалон нарсани эсла›, дейди. Токи банда унутиб, адо этмай қолади. Тўшагида ётганида ҳам келиб, уни ухлатишга уринаверади, токи у ухлаб қолади», дедилар.