Baro (roziyallohu anhu)dan rivoyat qilinadi: Rasululloh ﷺ nahr kuni namozdan soʻng bizga xutba qildilar, soʻng: «Kim bizning namozimizday namoz oʻqib, bizning qurbonligimizday qurbonlik qilsa, qurbonlikni toʻgʻri ado etibdi. Kim namozdan oldin soʻysa, u faqat goʻsht uchun soʻyilgan qoʻydir», dedilar. Shunda Abu Burda ibn Niyor: «Ey Rasululloh, Allohga qasamki, men namozga chiqishimdan oldin soʻydim. Bugun eb-ichish kuni ekanini bilib, shoshildim-da, oʻzim yedim, ahlim va qoʻshnilarimga ham yedirdim», dedi. Rasululloh ﷺ: «U goʻsht uchun soʻyilgan qoʻydir», dedilar. U: «Mening oldimda ikkita goʻsht qoʻyidan afzalroq bir yosh echki bor, shu men uchun kifoya qiladimi?» dedi. U zot: «Ha, lekin sendan keyin hech kim uchun kifoya qilmaydi», dedilar.Баро (розияллоҳу анҳу)дан ривоят қилинади: Расулуллоҳ ﷺ наҳр куни намоздан сўнг бизга хутба қилдилар, сўнг: «Ким бизнинг намозимиздай намоз ўқиб, бизнинг қурбонлигимиздай қурбонлик қилса, қурбонликни тўғри адо этибди. Ким намоздан олдин сўйса, у фақат гўшт учун сўйилган қўйдир», дедилар. Шунда Абу Бурда ибн Ниёр: «Эй Расулуллоҳ, Аллоҳга қасамки, мен намозга чиқишимдан олдин сўйдим. Бугун эб-ичиш куни эканини билиб, шошилдим-да, ўзим едим, аҳлим ва қўшниларимга ҳам едирдим», деди. Расулуллоҳ ﷺ: «У гўшт учун сўйилган қўйдир», дедилар. У: «Менинг олдимда иккита гўшт қўйидан афзалроқ бир ёш эчки бор, шу мен учун кифоя қиладими?» деди. У зот: «Ҳа, лекин сендан кейин ҳеч ким учун кифоя қилмайди», дедилар.