Abdullohning ayoli Zaynab (roziyallohu anho)dan rivoyat qilinadi: Rasululloh ﷺ ayollarga: «Sadaqa qilinglar, hatto zeb-ziynatlaringdan boʻlsa ham», dedilar. Abdulloh esa qoʻli kalta odam edi. Men unga: «Sadaqamni senga va yetim boʻlib qolgan aka-ukalarimning bolalariga sarflashim menga joizmi?» dedim. Abdulloh: «Bu haqda Rasululloh ﷺdan soʻra», dedi. Men Nabiy ﷺning huzuriga bordim, uning eshigi oldida Zaynab ismli ansorlik bir ayol men soʻramoqchi boʻlgan narsani soʻrab turgan ekan. Bizning oldimizga Bilol chiqdi, biz unga: «Rasululloh ﷺning oldiga borib, buni undan soʻra, lekin biz kimligimizni aytma», dedik. U Rasululloh ﷺning oldiga bordi. U zot: «Ular kim?» dedilar. U: «Zaynab», dedi. U zot: «Qaysi Zaynab?» dedilar. U: «Abdullohning ayoli Zaynab va ansorlik Zaynab», dedi. U zot: «Ha, ularga ikki ajr bor: qarindoshlik ajri va sadaqa ajri», dedilar.Абдуллоҳнинг аёли Зайнаб (розияллоҳу анҳо)дан ривоят қилинади: Расулуллоҳ ﷺ аёлларга: «Садақа қилинглар, ҳатто зеб-зийнатларингдан бўлса ҳам», дедилар. Абдуллоҳ эса қўли калта одам эди. Мен унга: «Садақамни сенга ва етим бўлиб қолган ака-укаларимнинг болаларига сарфлашим менга жоизми?» дедим. Абдуллоҳ: «Бу ҳақда Расулуллоҳ ﷺдан сўра», деди. Мен Набий ﷺнинг ҳузурига бордим, унинг эшиги олдида Зайнаб исмли ансорлик бир аёл мен сўрамоқчи бўлган нарсани сўраб турган экан. Бизнинг олдимизга Билол чиқди, биз унга: «Расулуллоҳ ﷺнинг олдига бориб, буни ундан сўра, лекин биз кимлигимизни айтма», дедик. У Расулуллоҳ ﷺнинг олдига борди. У зот: «Улар ким?» дедилар. У: «Зайнаб», деди. У зот: «Қайси Зайнаб?» дедилар. У: «Абдуллоҳнинг аёли Зайнаб ва ансорлик Зайнаб», деди. У зот: «Ҳа, уларга икки ажр бор: қариндошлик ажри ва садақа ажри», дедилар.