Oisha (roziyallohu anho)dan rivoyat qilinadi: Bir ayol tanish odamlarning nomidan — oʻzi esa tanilmagan holda — zebi-ziynat buyumlarini ariyat olib, ularni sotib, pulini oldi. Uni Rasululloh ﷺ huzurlariga olib kelishdi. Uning yaqinlari Usoma ibn Zaydning oldiga borishdi, u esa uning haqida Rasululloh ﷺ bilan gaplashdi. Rasululloh ﷺ u bilan gaplashayotganlarida yuzlarining rangi oʻzgardi. Soʻng Rasululloh ﷺ unga: «Allohning hadlaridan bir had haqida mendan shafoat soʻrayapsanmi?», dedilar. Usoma: «Ey Rasululloh, men uchun magʻfirat soʻrang», dedi. Soʻng Rasululloh ﷺ oʻsha kuni kechqurun oʻrinlaridan turib, Alloh azza va jallaga munosib maqtovlar bilan hamd aytdilar, keyin: «Ammo baʼd, sizdan oldingi odamlar shu sababdan halok boʻlishgan: ular orasida sharafli kishi oʻgʻirlik qilsa, uni qoʻyib yuborishar, kuchsizi oʻgʻirlik qilsa, unga had joriy qilishardi. Muhammadning joni qoʻlida boʻlgan Zotga qasamki, agar Muhammadning qizi Fotima oʻgʻirlik qilsa ham, uning qoʻlini kesardim», dedilar. Soʻng oʻsha ayolning qoʻlini kesdilar.Оиша (розияллоҳу анҳо)дан ривоят қилинади: Бир аёл таниш одамларнинг номидан — ўзи эса танилмаган ҳолда — зеби-зийнат буюмларини арият олиб, уларни сотиб, пулини олди. Уни Расулуллоҳ ﷺ ҳузурларига олиб келишди. Унинг яқинлари Усома ибн Зайднинг олдига боришди, у эса унинг ҳақида Расулуллоҳ ﷺ билан гаплашди. Расулуллоҳ ﷺ у билан гаплашаётганларида юзларининг ранги ўзгарди. Сўнг Расулуллоҳ ﷺ унга: «Аллоҳнинг ҳадларидан бир ҳад ҳақида мендан шафоат сўраяпсанми?», дедилар. Усома: «Эй Расулуллоҳ, мен учун мағфират сўранг», деди. Сўнг Расулуллоҳ ﷺ ўша куни кечқурун ўринларидан туриб, Аллоҳ азза ва жаллага муносиб мақтовлар билан ҳамд айтдилар, кейин: «Аммо баъд, сиздан олдинги одамлар шу сабабдан ҳалок бўлишган: улар орасида шарафли киши ўғирлик қилса, уни қўйиб юборишар, кучсизи ўғирлик қилса, унга ҳад жорий қилишарди. Муҳаммаднинг жони қўлида бўлган Зотга қасамки, агар Муҳаммаднинг қизи Фотима ўғирлик қилса ҳам, унинг қўлини кесардим», дедилар. Сўнг ўша аёлнинг қўлини кесдилар.