Abu Muso al-Ashʼariy (roziyallohu anhu)dan rivoyat qilinadi: Men ashʼariylardan bir guruh bilan Nabiy ﷺ ning oldilariga kelib, undan ulov soʻradik. Shunda u zot: «Allohga qasamki, men sizlarga ulov bermayman va mening oldimda sizlarni mindiradigan narsa yoʻq», — dedilar. (Abu Muso) dedi: Soʻng Alloh xohlagancha turdik, keyin (u zotga) tuyalar keltirildi. Shunda u zot bizga uchta oq oʻrkachli tuya berishni buyurdilar. Yoʻlga chiqqanimizda biz — yoki baʼzilarimiz boshqalarga — dedik: «Alloh bizga baraka bermaydi. Biz Rasululloh ﷺ ning oldilariga kelib, ulov soʻradik. U zot bizga ulov bermaslikka qasam ichdilar, soʻng bizga ulov berdilar». Shundan keyin ular u zotning oldilariga kelib, buni aytishdi. Shunda u zot: «Sizlarni men mindirganim yoʻq, balki Alloh sizlarni mindirdi. Allohga qasamki, agar Alloh xohlasa, men bir narsaga qasam ichsam, soʻng undan boshqasini yaxshiroq deb bilsam, albatta qasamimga kafforat berib, yaxshiroq boʻlganini qilaman», — dedilar.Абу Мусо ал-Ашъарий (розияллоҳу анҳу)дан ривоят қилинади: Мен ашъарийлардан бир гуруҳ билан Набий ﷺ нинг олдиларига келиб, ундан улов сўрадик. Шунда у зот: «Аллоҳга қасамки, мен сизларга улов бермайман ва менинг олдимда сизларни миндирадиган нарса йўқ», — дедилар. (Абу Мусо) деди: Сўнг Аллоҳ хоҳлаганча турдик, кейин (у зотга) туялар келтирилди. Шунда у зот бизга учта оқ ўркачли туя беришни буюрдилар. Йўлга чиққанимизда биз — ёки баъзиларимиз бошқаларга — дедик: «Аллоҳ бизга барака бермайди. Биз Расулуллоҳ ﷺ нинг олдиларига келиб, улов сўрадик. У зот бизга улов бермасликка қасам ичдилар, сўнг бизга улов бердилар». Шундан кейин улар у зотнинг олдиларига келиб, буни айтишди. Шунда у зот: «Сизларни мен миндирганим йўқ, балки Аллоҳ сизларни миндирди. Аллоҳга қасамки, агар Аллоҳ хоҳласа, мен бир нарсага қасам ичсам, сўнг ундан бошқасини яхшироқ деб билсам, албатта қасамимга каффорат бериб, яхшироқ бўлганини қиламан», — дедилар.