Abu Hurayra (roziyallohu anhu)dan rivoyat qilinadi: Nabiy ﷺ oʻz Robbi azza va jalladan hikoya qilib, u zot dedilar: «Bir banda bir gunoh qildi-da: ‹Allohim, gunohimni magʻfirat qil›, dedi. Shunda (Alloh) tabaroka va taolo: ‹Bandam bir gunoh qildi va uning gunohni magʻfirat qiladigan hamda gunoh uchun (jazoga) tutadigan Robbi borligini bildi›, dedi. Soʻng u yana (gunohga) qaytib gunoh qildi-da: ‹Ey Robbim, gunohimni magʻfirat qil›, dedi. Shunda (Alloh) tabaroka va taolo: ‹Bandam bir gunoh qildi va uning gunohni magʻfirat qiladigan hamda gunoh uchun (jazoga) tutadigan Robbi borligini bildi›, dedi. Soʻng u yana qaytib gunoh qildi-da: ‹Ey Robbim, gunohimni magʻfirat qil›, dedi. Shunda (Alloh) tabaroka va taolo: ‹Bandam bir gunoh qildi va uning gunohni magʻfirat qiladigan hamda gunoh uchun (jazoga) tutadigan Robbi borligini bildi. Bas, xohlaganingni qil, Men seni magʻfirat qildim›, dedi». Abdul-Aʼlo dedi: «xohlaganingni qil» (deganini) uchinchisidami yoki toʻrtinchisidami aytganini bilmadim.Абу Ҳурайра (розияллоҳу анҳу)дан ривоят қилинади: Набий ﷺ ўз Робби азза ва жалладан ҳикоя қилиб, у зот дедилар: «Бир банда бир гуноҳ қилди-да: ‹Аллоҳим, гуноҳимни мағфират қил›, деди. Шунда (Аллоҳ) табарока ва таоло: ‹Бандам бир гуноҳ қилди ва унинг гуноҳни мағфират қиладиган ҳамда гуноҳ учун (жазога) тутадиган Робби борлигини билди›, деди. Сўнг у яна (гуноҳга) қайтиб гуноҳ қилди-да: ‹Эй Роббим, гуноҳимни мағфират қил›, деди. Шунда (Аллоҳ) табарока ва таоло: ‹Бандам бир гуноҳ қилди ва унинг гуноҳни мағфират қиладиган ҳамда гуноҳ учун (жазога) тутадиган Робби борлигини билди›, деди. Сўнг у яна қайтиб гуноҳ қилди-да: ‹Эй Роббим, гуноҳимни мағфират қил›, деди. Шунда (Аллоҳ) табарока ва таоло: ‹Бандам бир гуноҳ қилди ва унинг гуноҳни мағфират қиладиган ҳамда гуноҳ учун (жазога) тутадиган Робби борлигини билди. Бас, хоҳлаганингни қил, Мен сени мағфират қилдим›, деди». Абдул-Аъло деди: «хоҳлаганингни қил» (деганини) учинчисидами ёки тўртинчисидами айтганини билмадим.