Amr ibn Avf (roziyallohu anhu)dan rivoyat qilinadiki, Rasululloh ﷺ Abu Ubayda ibn al-Jarrohni Bahraynga uning jizyasini olib kelish uchun yubordilar. Nabiy ﷺ Bahrayn ahli bilan sulh tuzgan va ularga al-Aloʻ ibn al-Hazramiyni amir qilib qoʻygan edilar. Abu Ubayda Bahrayndan mol bilan keldi. Ansorlar Abu Ubaydaning kelganini eshitib, bomdod namozini Rasululloh ﷺ bilan birga oʻqidilar. Rasululloh ﷺ namozni oʻqib boʻlib qaytganlarida, ular u zotning yoʻlini toʻsdilar. Rasululloh ﷺ ularni koʻrib tabassum qildilar-da, soʻng: «Oʻylashimcha, siz Abu Ubayda Bahrayndan biror narsa olib kelganini eshitgansizlar», dedilar. Ular: «Ha, ey Allohning Rasuli», dedilar. U zot: «Suyunchi boʻlsin, sizni xursand qiladigan narsadan umidvor boʻlaveringlar. Allohga qasamki, men sizlar uchun kambagʻallikdan qoʻrqmayman. Lekin men sizlar uchun sizdan oldingilarga dunyo keng yoyilganidek, sizlarga ham keng yoyilib, ular u dunyoda raqobatlashganidek sizlar ham raqobatlashib, ularni halok qilganidek sizlarni ham halok qilishidan qoʻrqaman», dedilar.Амр ибн Авф (розияллоҳу анҳу)дан ривоят қилинадики, Расулуллоҳ ﷺ Абу Убайда ибн ал-Жарроҳни Баҳрайнга унинг жизясини олиб келиш учун юбордилар. Набий ﷺ Баҳрайн аҳли билан сулҳ тузган ва уларга ал-Алў ибн ал-Ҳазрамийни амир қилиб қўйган эдилар. Абу Убайда Баҳрайндан мол билан келди. Ансорлар Абу Убайданинг келганини эшитиб, бомдод намозини Расулуллоҳ ﷺ билан бирга ўқидилар. Расулуллоҳ ﷺ намозни ўқиб бўлиб қайтганларида, улар у зотнинг йўлини тўсдилар. Расулуллоҳ ﷺ уларни кўриб табассум қилдилар-да, сўнг: «Ўйлашимча, сиз Абу Убайда Баҳрайндан бирор нарса олиб келганини эшитгансизлар», дедилар. Улар: «Ҳа, эй Аллоҳнинг Расули», дедилар. У зот: «Суюнчи бўлсин, сизни хурсанд қиладиган нарсадан умидвор бўлаверинглар. Аллоҳга қасамки, мен сизлар учун камбағалликдан қўрқмайман. Лекин мен сизлар учун сиздан олдингиларга дунё кенг ёйилганидек, сизларга ҳам кенг ёйилиб, улар у дунёда рақобатлашганидек сизлар ҳам рақобатлашиб, уларни ҳалок қилганидек сизларни ҳам ҳалок қилишидан қўрқаман», дедилар.