Abdulloh ibn Umar (roziyallohu anhumo)dan rivoyat qilinadi: Biz Rasululloh ﷺ bilan oʻtirgan edik, shu payt ansorlardan bir kishi keldi-da, u zotga salom berdi. Soʻng ansoriy orqasiga qaytdi. Shunda Rasululloh ﷺ: «Ey ansoriy birodar, mening birodarim Saʼd ibn Ubodaning ahvoli qanday?» dedilar. U: «Yaxshi», dedi. Shunda Rasululloh ﷺ: «Sizlardan kim uni koʻrgani boradi?» dedilar. Soʻng (u zot) oʻrnidan turdilar, biz ham u zot bilan birga turdik. Biz oʻn nechta kishi edik, oyogʻimizda na kavush, na maxsi, boshimizda na qalpoq, na koʻylak yoʻq edi. Oʻsha shoʻrxoklar ichida yurib, nihoyat uning oldiga keldik. Shunda uning atrofidagi qavmi chetga chiqdilar, toki Rasululloh ﷺ va u zot bilan birga boʻlgan sahobalari uning yoniga yaqinlashdilar.Абдуллоҳ ибн Умар (розияллоҳу анҳумо)дан ривоят қилинади: Биз Расулуллоҳ ﷺ билан ўтирган эдик, шу пайт ансорлардан бир киши келди-да, у зотга салом берди. Сўнг ансорий орқасига қайтди. Шунда Расулуллоҳ ﷺ: «Эй ансорий биродар, менинг биродарим Саъд ибн Убоданинг аҳволи қандай?» дедилар. У: «Яхши», деди. Шунда Расулуллоҳ ﷺ: «Сизлардан ким уни кўргани боради?» дедилар. Сўнг (у зот) ўрнидан турдилар, биз ҳам у зот билан бирга турдик. Биз ўн нечта киши эдик, оёғимизда на кавуш, на махси, бошимизда на қалпоқ, на кўйлак йўқ эди. Ўша шўрхоклар ичида юриб, ниҳоят унинг олдига келдик. Шунда унинг атрофидаги қавми четга чиқдилар, токи Расулуллоҳ ﷺ ва у зот билан бирга бўлган саҳобалари унинг ёнига яқинлашдилар.