أَخْبَرَنَا أَبُو كُرَيْبٍ، مُحَمَّدُ بْنُ الْعَلاَءِ قَالَ حَدَّثَنَا أَبُو بَكْرِ بْنُ عَيَّاشٍ، قَالَ حَدَّثَنَا أَبُو إِسْحَاقَ، عَنْ أَبِي الأَحْوَصِ، عَنْ أَبِيهِ، قَالَ كُنْتُ جَالِسًا عِنْدَ رَسُولِ اللَّهِ صلى الله عليه وسلم فَرَآنِي رَثَّ الثِّيَابِ فَقَالَ " أَلَكَ مَالٌ " . قُلْتُ نَعَمْ يَا رَسُولَ اللَّهِ مِنْ كُلِّ الْمَالِ . قَالَ " فَإِذَا آتَاكَ اللَّهُ مَالاً فَلْيُرَ أَثَرُهُ عَلَيْكَ " .
Abu Ahvasning otasi (roziyallohu anhu)dan rivoyat qilinadi: Men Rasululloh ﷺ huzurlarida oʻtirgan edim, ular meni eski-tuski kiyimda koʻrib: «Molu davlating bormi?» dedilar. Men: «Ha, ey Rasululloh, har xil moldan bor», dedim. Ular: «Alloh senga mol bergan boʻlsa, uning izi sen ustingda koʻrinib tursin», dedilar.Абу Аҳваснинг отаси (розияллоҳу анҳу)дан ривоят қилинади: Мен Расулуллоҳ ﷺ ҳузурларида ўтирган эдим, улар мени эски-туски кийимда кўриб: «Молу давлатинг борми?» дедилар. Мен: «Ҳа, эй Расулуллоҳ, ҳар хил молдан бор», дедим. Улар: «Аллоҳ сенга мол берган бўлса, унинг изи сен устингда кўриниб турсин», дедилар.
أَخْبَرَنَا أَحْمَدُ بْنُ سُلَيْمَانَ، قَالَ حَدَّثَنَا أَبُو نُعَيْمٍ، قَالَ حَدَّثَنَا زُهَيْرٌ، عَنْ أَبِي إِسْحَاقَ، عَنْ أَبِي الأَحْوَصِ، عَنْ أَبِيهِ، أَنَّهُ أَتَى النَّبِيَّ صلى الله عليه وسلم فِي ثَوْبٍ دُونٍ فَقَالَ لَهُ النَّبِيُّ صلى الله عليه وسلم " أَلَكَ مَالٌ " . قَالَ نَعَمْ مِنْ كُلِّ الْمَالِ . قَالَ " مِنْ أَىِّ الْمَالِ " . قَالَ قَدْ آتَانِيَ اللَّهُ مِنَ الإِبِلِ وَالْغَنَمِ وَالْخَيْلِ وَالرَّقِيقِ . قَالَ " فَإِذَا آتَاكَ اللَّهُ مَالاً فَلْيُرَ عَلَيْكَ أَثَرُ نِعْمَةِ اللَّهِ وَكَرَامَتِهِ " .
Abu Ahvasning otasi (roziyallohu anhu)dan rivoyat qilinadiki, u eski kiyimda Paygʻambar ﷺ huzurlariga keldi. Nabiy ﷺ unga: «Molu davlating bormi?» dedilar. U: «Ha, har xil moldan bor», dedi. Ular: «Qanday moldan?» dedilar. U: «Alloh menga tuya, qoʻy, ot va qullardan berdi», dedi. Ular: «Alloh senga mol bergan boʻlsa, sen ustingda Allohning neʼmati va karomatining izi koʻrinib tursin», dedilar.Абу Аҳваснинг отаси (розияллоҳу анҳу)дан ривоят қилинадики, у эски кийимда Пайғамбар ﷺ ҳузурларига келди. Набий ﷺ унга: «Молу давлатинг борми?» дедилар. У: «Ҳа, ҳар хил молдан бор», деди. Улар: «Қандай молдан?» дедилар. У: «Аллоҳ менга туя, қўй, от ва қуллардан берди», деди. Улар: «Аллоҳ сенга мол берган бўлса, сен устингда Аллоҳнинг неъмати ва кароматининг изи кўриниб турсин», дедилар.