عَن سعيد بْنِ زَيْدٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «مَنْ أَخَذَ شِبْرًا مِنَ الْأَرْضِ ظُلْمًا فَإِنَّهُ يُطَوَّقُهُ يَوْمَ الْقِيَامَةِ مِنْ سبع أَرضين»
Said ibn Zayd ibn Amr ibn Nufayl (roziyallohu anhu)dan rivoyat qilinadi: Arvo uni — u (Saidni) oʻzining bir haqqidan mahrum qildi, deb daʼvo qilib — Marvon huzurida sudga berdi. Shunda Said: «Men uni qanday qilib oʻz haqqidan mahrum qilaman? Men guvohlik beramanki, Allohning Rasuli ﷺ ning shunday deganini eshitganman: ‹Kim bir qarich yerni nohaq egallasa, uning boʻyni Qiyomat kuni yetti yer (qatlami)gacha (oʻsha yer bilan) oʻraladi›», — dedi.Саид ибн Зайд ибн Амр ибн Нуфайл (розияллоҳу анҳу)дан ривоят қилинади: Арво уни — у (Саидни) ўзининг бир ҳаққидан маҳрум қилди, деб даъво қилиб — Марвон ҳузурида судга берди. Шунда Саид: «Мен уни қандай қилиб ўз ҳаққидан маҳрум қиламан? Мен гувоҳлик бераманки, Аллоҳнинг Расули ﷺ нинг шундай деганини эшитганман: ‹Ким бир қарич ерни ноҳақ эгалласа, унинг бўйни Қиёмат куни етти ер (қатлами)гача (ўша ер билан) ўралади›», — деди.
عَن عُرْوَة بن الزبير أَنَّ سَعِيدُ بْنُ زَيْدِ بْنِ عَمْرِو بْنِ نُفَيْلٍ خاصمته أروى بنت أويس إِلَى مَرْوَانَ بْنِ الْحَكَمِ وَادَّعَتْ أَنَّهُ أَخَذَ شَيْئًا مِنْ أَرْضِهَا فَقَالَ سَعِيدٌ أَنَا كُنْتُ آخُذُ مِنْ أَرْضِهَا شَيْئًا بَعْدَ الَّذِي سَمِعْتُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ وماذا سَمِعْتُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ مَنْ أَخَذَ شِبْرًا مِنَ الْأَرْضِ ظُلْمًا طُوِّقَهُ إِلَى سَبْعِ أَرَضِينَ فَقَالَ لَهُ مَرْوَانُ لَا أَسْأَلُكَ بَيِّنَةً بَعْدَ هَذَا فَقَالَ اللَّهُمَّ إِن كَانَت كَاذِبَة فَعم بَصَرَهَا وَاقْتُلْهَا فِي أَرْضِهَا قَالَ فَمَا مَاتَتْ حَتَّى ذهب بصرها ثمَّ بَينا هِيَ تَمْشِي فِي أَرْضِهَا إِذْ وَقَعَتْ فِي حُفْرَةٍ فَمَاتَتْ. مُتَّفَقٌ عَلَيْهِ وَفِي رِوَايَةٍ لِمُسْلِمٍ عَنْ مُحَمَّدِ بْنِ زَيْدِ بْنِ عَبْدِ اللَّهِ بْنِ عُمَرَ بِمَعْنَاهُ وَأَنَّهُ رَآهَا عَمْيَاءَ تَلْتَمِسُ الْجُدُرَ تَقُولُ: أَصَابَتْنِي دَعْوَةُ سَعِيدٍ وَأَنَّهَا مَرَّتْ على بئرٍ فِي الدَّار الَّتِي خاصمته فَوَقَعت فِيهَا فَكَانَت قبرها
Said ibn Zayd ibn Amr ibn Nufayl (roziyallohu anhu)dan rivoyat qilinadi: Arvo bint Uvays Said ibn Zayd ustidan, u (Said) uning yeridan bir narsa olib qoʻygan, deb daʼvo qildi va u bilan Marvon ibn al-Hakam huzurida daʼvolashdi. Shunda Said: «Men Rasululloh ﷺ dan eshitgan (gap)dan keyin uning yeridan bir narsa olarmidim?!» — dedi. (Marvon): «Rasululloh ﷺ dan nima eshitgan eding?» — dedi. U: «Men Rasululloh ﷺ ni: ‹Kim bir qarich yerni zulm bilan olsa, unga yetti qavat yer (boʻyniga) sirtmoq qilib taqiladi›, — deganlarini eshitdim», — dedi. Shunda Marvon unga: «Bundan keyin sendan dalil soʻramayman», — dedi. (Said): «Ey Alloh! Agar u yolgʻonchi boʻlsa, koʻzini koʻr qilgin va uni oʻz yerida halok etgin», — dedi. (Roviy) dedi: U koʻzi koʻr boʻlmaguncha oʻlmadi; soʻng u oʻz yerida yurib turganida bir chuqurga yiqilib oʻldi.Саид ибн Зайд ибн Амр ибн Нуфайл (розияллоҳу анҳу)дан ривоят қилинади: Арво бинт Увайс Саид ибн Зайд устидан, у (Саид) унинг еридан бир нарса олиб қўйган, деб даъво қилди ва у билан Марвон ибн ал-Ҳакам ҳузурида даъволашди. Шунда Саид: «Мен Расулуллоҳ ﷺ дан эшитган (гап)дан кейин унинг еридан бир нарса олармидим?!» — деди. (Марвон): «Расулуллоҳ ﷺ дан нима эшитган эдинг?» — деди. У: «Мен Расулуллоҳ ﷺ ни: ‹Ким бир қарич ерни зулм билан олса, унга етти қават ер (бўйнига) сиртмоқ қилиб тақилади›, — деганларини эшитдим», — деди. Шунда Марвон унга: «Бундан кейин сендан далил сўрамайман», — деди. (Саид): «Эй Аллоҳ! Агар у ёлғончи бўлса, кўзини кўр қилгин ва уни ўз ерида ҳалок этгин», — деди. (Ровий) деди: У кўзи кўр бўлмагунча ўлмади; сўнг у ўз ерида юриб турганида бир чуқурга йиқилиб ўлди.