Humayd (rahimahulloh) aytadi: Anasdan: «Nabiy ﷺ (duoda) qoʻllarini koʻtarar edilarmi?» deb soʻralganda, u shunday dedi: Juma kuni u zotga: «Yo Rasululloh, yomgʻir toʻxtadi, yer qaqrab qoldi, mol-hol halok boʻldi», deyildi. Shunda u zot qoʻltiqlarining oqligini koʻrgunimga qadar qoʻllarini koʻtarib, yomgʻir soʻradilar. U zot qoʻllarini koʻtarganlarida osmonda bir parcha bulut ham koʻrinmas edi. Biz namozni tugatmasimizdan (shunday yomgʻir yogʻdiki), hatto uyi yaqin boʻlgan yigit ham oilasiga qaytishdan qiynaldi. Keyingi juma kelganida ular: «Yo Rasululloh, uylar buzildi, yoʻlovchilar toʻxtab qoldi», dedilar. Shunda Rasululloh ﷺ Odam farzandining tez zerikishidan tabassum qildilar va: «Ey Alloh, atrofimizga (yogʻdir), ustimizga emas», dedilar. Bas, (bulut) Madinadan tarqab ketdi.Ҳумайд (раҳимаҳуллоҳ) айтади: Анасдан: «Набий ﷺ (дуода) қўлларини кўтарар эдиларми?» деб сўралганда, у шундай деди: Жума куни у зотга: «Ё Расулуллоҳ, ёмғир тўхтади, ер қақраб қолди, мол-ҳол ҳалок бўлди», дейилди. Шунда у зот қўлтиқларининг оқлигини кўргунимга қадар қўлларини кўтариб, ёмғир сўрадилар. У зот қўлларини кўтарганларида осмонда бир парча булут ҳам кўринмас эди. Биз намозни тугатмасимиздан (шундай ёмғир ёғдики), ҳатто уйи яқин бўлган йигит ҳам оиласига қайтишдан қийналди. Кейинги жума келганида улар: «Ё Расулуллоҳ, уйлар бузилди, йўловчилар тўхтаб қолди», дедилар. Шунда Расулуллоҳ ﷺ Одам фарзандининг тез зерикишидан табассум қилдилар ва: «Эй Аллоҳ, атрофимизга (ёғдир), устимизга эмас», дедилар. Бас, (булут) Мадинадан тарқаб кетди.