Salama (roziyallohu anhu)dan rivoyat qilinadi: Men Paygʻambar ﷺ bilan oʻtirgan edim, (huzurlariga) bir janoza keltirildi. U zot: «U qarz qoldirganmi?» dedilar. Ular: «Yoʻq», deyishdi. U zot: «Biror narsa qoldirganmi?» dedilar. Ular: «Yoʻq», deyishdi. Shunda u zot unga namoz oʻqidilar. Soʻng boshqa bir janoza keltirildi. U zot: «U qarz qoldirganmi?» dedilar. Ular: «Yoʻq», deyishdi. U zot: «Biror narsa qoldirganmi?» dedilar. Ular: «Ha, uchta dinor», deyishdi. Shunda u zot barmoqlari bilan: «Uch dogʻ», deb (ishora qildilar). Soʻng uchinchisi keltirildi. U zot: «U qarz qoldirganmi?» dedilar. Ular: «Ha», deyishdi. U zot: «Biror narsa qoldirganmi?» dedilar. Ular: «Yoʻq», deyishdi. U zot: «Sherigingizga namoz oʻqinglar», dedilar. Shunda ansorlardan bir kishi: «Uning qarzi mening zimmamda, yo Rasululloh», dedi. Shundan soʻng u zot unga namoz oʻqidilar.Салама (розияллоҳу анҳу)дан ривоят қилинади: Мен Пайғамбар ﷺ билан ўтирган эдим, (ҳузурларига) бир жаноза келтирилди. У зот: «У қарз қолдирганми?» дедилар. Улар: «Йўқ», дейишди. У зот: «Бирор нарса қолдирганми?» дедилар. Улар: «Йўқ», дейишди. Шунда у зот унга намоз ўқидилар. Сўнг бошқа бир жаноза келтирилди. У зот: «У қарз қолдирганми?» дедилар. Улар: «Йўқ», дейишди. У зот: «Бирор нарса қолдирганми?» дедилар. Улар: «Ҳа, учта динор», дейишди. Шунда у зот бармоқлари билан: «Уч доғ», деб (ишора қилдилар). Сўнг учинчиси келтирилди. У зот: «У қарз қолдирганми?» дедилар. Улар: «Ҳа», дейишди. У зот: «Бирор нарса қолдирганми?» дедилар. Улар: «Йўқ», дейишди. У зот: «Шеригингизга намоз ўқинглар», дедилар. Шунда ансорлардан бир киши: «Унинг қарзи менинг зиммамда, ё Расулуллоҳ», деди. Шундан сўнг у зот унга намоз ўқидилар.