Abdulloh ibn Zayd (roziyallohu anhu)dan rivoyat qilinishicha, u Paygʻambar ﷺ ni tahorat olayotganlarini va boshlariga qoʻllaridan ortgan suvdan boshqa (yangi) suv bilan mash tortayotganlarini koʻrgan. Abu Iso aytdi: Bu hasan sahih hadisdir. Ibn Lahia bu hadisni Habbon ibn Vosiʼdan, (u) otasidan, (u) Abdulloh ibn Zayddan: «Paygʻambar ﷺ tahorat olib, boshlariga qoʻllaridan ortib qolgan suv bilan mash tortdilar», deb rivoyat qilgan. Amr ibn al-Horisning Habbondan (qilgan) rivoyati (esa) sahihroqdir; chunki bu hadis Abdulloh ibn Zayd va boshqalardan — «Paygʻambar ﷺ boshlari uchun yangi suv oldilar» — bir necha yoʻl bilan rivoyat qilingan. Koʻpchilik ilm ahli nazdida shu (hadis) bilan amal qilinib, ular bosh uchun yangi suv olishni (afzal) deb koʻrishgan.Абдуллоҳ ибн Зайд (розияллоҳу анҳу)дан ривоят қилинишича, у Пайғамбар ﷺ ни таҳорат олаётганларини ва бошларига қўлларидан ортган сувдан бошқа (янги) сув билан маш тортаётганларини кўрган. Абу Исо айтди: Бу ҳасан саҳиҳ ҳадисдир. Ибн Лаҳиа бу ҳадисни Ҳаббон ибн Восиъдан, (у) отасидан, (у) Абдуллоҳ ибн Зайддан: «Пайғамбар ﷺ таҳорат олиб, бошларига қўлларидан ортиб қолган сув билан маш тортдилар», деб ривоят қилган. Амр ибн ал-Ҳориснинг Ҳаббондан (қилган) ривояти (эса) саҳиҳроқдир; чунки бу ҳадис Абдуллоҳ ибн Зайд ва бошқалардан — «Пайғамбар ﷺ бошлари учун янги сув олдилар» — бир неча йўл билан ривоят қилинган. Кўпчилик илм аҳли наздида шу (ҳадис) билан амал қилиниб, улар бош учун янги сув олишни (афзал) деб кўришган.