Ali (roziyallohu anhu)dan rivoyat qilinishicha, Paygʻambar ﷺ (aʼzolarini) uch martadan (yuvib) tahorat oldilar. Abu Iso aytdi: Bu bobda Usmon, Oisha, ar-Rubayyiʼ, Ibn Umar, Abu Umoma, Abu Rofeʼ, Abdulloh ibn Amr, Muoviya, Abu Hurayra, Jobir, Abdulloh ibn Zayd va Ubayy ibn Kaʼbdan ham (rivoyatlar bor). Abu Iso aytdi: Alining hadisi bu bobda eng yaxshi va eng sahih(dir); chunki u Ali (rizvonullohi alayhi)dan bir necha yoʻl bilan rivoyat qilingan. Umumiy ilm ahli nazdida shu (hadis) bilan amal qilinadi: tahorat bir martadan (yuvish bilan ham) kifoya qiladi, ikki martadan (yuvish) afzalroq, eng afzali — uch marta; undan keyin (yaʼni uchdan ortigʻida) hech narsa (fazilat) yoʻq. Ibn al-Muborak: «Agar tahoratda uchdan oshirsa, gunohkor boʻlishidan xotirjam emasman», dedi. Ahmad va Ishoq: «Uchdan ortiqni faqat biror (vasvasaga) mubtalo boʻlgan kishigina (qiladi)», deyishdi.Али (розияллоҳу анҳу)дан ривоят қилинишича, Пайғамбар ﷺ (аъзоларини) уч мартадан (ювиб) таҳорат олдилар. Абу Исо айтди: Бу бобда Усмон, Оиша, ар-Рубаййиъ, Ибн Умар, Абу Умома, Абу Рофеъ, Абдуллоҳ ибн Амр, Муовия, Абу Ҳурайра, Жобир, Абдуллоҳ ибн Зайд ва Убайй ибн Каъбдан ҳам (ривоятлар бор). Абу Исо айтди: Алининг ҳадиси бу бобда энг яхши ва энг саҳиҳ(дир); чунки у Али (ризвонуллоҳи алайҳи)дан бир неча йўл билан ривоят қилинган. Умумий илм аҳли наздида шу (ҳадис) билан амал қилинади: таҳорат бир мартадан (ювиш билан ҳам) кифоя қилади, икки мартадан (ювиш) афзалроқ, энг афзали — уч марта; ундан кейин (яъни учдан ортиғида) ҳеч нарса (фазилат) йўқ. Ибн ал-Муборак: «Агар таҳоратда учдан оширса, гуноҳкор бўлишидан хотиржам эмасман», деди. Аҳмад ва Исҳоқ: «Учдан ортиқни фақат бирор (васвасага) мубтало бўлган кишигина (қилади)», дейишди.