Abu Said al-Xudriy (roziyallohu anhu) aytdilar: Avtos kuni biz asira ayollarni qoʻlga kiritdik, ularning oʻz qavmlari orasida erlari bor edi. Buni Rasululloh ﷺga aytishdi, shunda: {Va ayollardan erli boʻlganlari (ham harom qilindi), faqat qoʻllaringiz ostidagi (asira choʻrilar) bundan mustasno…} (Niso 24) degan (oyat) nozil boʻldi. Abu Iso aytdi: Bu hadis hasandir. Buni Savriy ham Usmon al-Battiydan, u Abul Xaliyldan, u Abu Saiddan shu tarzda rivoyat qilgan. Abul Xaliylning ismi Solih ibn Abu Maryamdir. Hammom bu hadisni Qatodadan, u Solih Abul Xaliyldan, u Abu Alqama al-Hoshimiydan, u Abu Saiddan, u Nabiy ﷺdan (marfuʼ qilib) rivoyat qilgan.Абу Саид ал-Худрий (розияллоҳу анҳу) айтдилар: Автос куни биз асира аёлларни қўлга киритдик, уларнинг ўз қавмлари орасида эрлари бор эди. Буни Расулуллоҳ ﷺга айтишди, шунда: {Ва аёллардан эрли бўлганлари (ҳам ҳаром қилинди), фақат қўлларингиз остидаги (асира чўрилар) бундан мустасно…} (Нисо 24) деган (оят) нозил бўлди. Абу Исо айтди: Бу ҳадис ҳасандир. Буни Саврий ҳам Усмон ал-Баттийдан, у Абул Халийлдан, у Абу Саиддан шу тарзда ривоят қилган. Абул Халийлнинг исми Солиҳ ибн Абу Марямдир. Ҳаммом бу ҳадисни Қатодадан, у Солиҳ Абул Халийлдан, у Абу Алқама ал-Ҳошимийдан, у Абу Саиддан, у Набий ﷺдан (марфуъ қилиб) ривоят қилган.