Ibn Abbos (roziyallohu anhumo)dan rivoyat qilinadiki, bir kishi Nabiy ﷺ zamonlarida musulmon boʻlib keldi, soʻng uning xotini ham musulmon boʻlib keldi. Shunda u: «Ey Rasululloh, u men bilan birga Islom qabul qilgan edi, uni menga qaytaring», dedi. Bas, u zot uni unga qaytarib berdilar. Bu sahih hadisdir. Abd ibn Humaydning shunday deganini eshitdim: Yazid ibn Horun Muhammad ibn Ishoqdan bu hadisni hamda Hajjojning Amr ibn Shuaybdan, u otasidan, u bobosidan — Nabiy ﷺ qizlari Zaynabni Abul-Osga yangi mahr va yangi nikoh bilan qaytarib berdilar, degan hadisni zikr qilganini eshitdim. Yazid ibn Horun: «Ibn Abbosning hadisi isnod jihatidan yaxshiroqdir», dedi. Amal esa Amr ibn Shuaybning hadisiga binoandir.Ибн Аббос (розияллоҳу анҳумо)дан ривоят қилинадики, бир киши Набий ﷺ замонларида мусулмон бўлиб келди, сўнг унинг хотини ҳам мусулмон бўлиб келди. Шунда у: «Эй Расулуллоҳ, у мен билан бирга Ислом қабул қилган эди, уни менга қайтаринг», деди. Бас, у зот уни унга қайтариб бердилар. Бу саҳиҳ ҳадисдир. Абд ибн Ҳумайднинг шундай деганини эшитдим: Язид ибн Ҳорун Муҳаммад ибн Ишоқдан бу ҳадисни ҳамда Ҳажжожнинг Амр ибн Шуайбдан, у отасидан, у бобосидан — Набий ﷺ қизлари Зайнабни Абул-Осга янги маҳр ва янги никоҳ билан қайтариб бердилар, деган ҳадисни зикр қилганини эшитдим. Язид ибн Ҳорун: «Ибн Аббоснинг ҳадиси иснод жиҳатидан яхшироқдир», деди. Амал эса Амр ибн Шуайбнинг ҳадисига биноандир.