Ikrima (rahimahulloh)dan rivoyat qilinadi, u aytadi: Menga Hajjoj ibn Amr (roziyallohu anhu) hadis aytib berdi, u dedi: Rasululloh ﷺ: «Kimning (suyagi) sinsa yoki oqsab qolsa, ehromdan chiqqan boʻladi va uning zimmasiga boshqa bir haj (qilish) lozim boʻladi», — dedilar. Men buni Abu Hurayra va Ibn Abbosga aytsam, ular: «Rost aytibdi», — dedilar. (Boshqa sanad bilan) Hajjojdan xuddi shunga oʻxshash (rivoyat qilingan) va u: «Buni Rasululloh ﷺning (oʻzlaridan) eshitganman», — dedi. Abu Iso aytdi: Bu hadis hasandir. Buni Hajjoj as-Savvofdan bir necha kishi shunga oʻxshash rivoyat qilgan. Maʼmar va Muoviya ibn Sallom bu hadisni Yahyo ibn Abu Kasirdan, u Ikrimadan, u Abdulloh ibn Rofeʼdan, u Hajjoj ibn Amrdan, u Nabiy ﷺdan rivoyat qilgan. Hajjoj as-Savvof esa oʻz hadisida Abdulloh ibn Rofeʼni zikr qilmagan. Hajjoj hadis ahli nazdida ishonchli, hofiz (kishi)dir. Men Muhammad (ibn Ismoil)ning: «Maʼmar va Muoviya ibn Sallomning rivoyati sahihroqdir», — deganini eshitdim.Икрима (раҳимаҳуллоҳ)дан ривоят қилинади, у айтади: Менга Ҳажжож ибн Амр (розияллоҳу анҳу) ҳадис айтиб берди, у деди: Расулуллоҳ ﷺ: «Кимнинг (суяги) синса ёки оқсаб қолса, эҳромдан чиққан бўлади ва унинг зиммасига бошқа бир ҳаж (қилиш) лозим бўлади», — дедилар. Мен буни Абу Ҳурайра ва Ибн Аббосга айтсам, улар: «Рост айтибди», — дедилар. (Бошқа санад билан) Ҳажжождан худди шунга ўхшаш (ривоят қилинган) ва у: «Буни Расулуллоҳ ﷺнинг (ўзларидан) эшитганман», — деди. Абу Исо айтди: Бу ҳадис ҳасандир. Буни Ҳажжож ас-Саввофдан бир неча киши шунга ўхшаш ривоят қилган. Маъмар ва Муовия ибн Саллом бу ҳадисни Яҳё ибн Абу Касирдан, у Икримадан, у Абдуллоҳ ибн Рофеъдан, у Ҳажжож ибн Амрдан, у Набий ﷺдан ривоят қилган. Ҳажжож ас-Саввоф эса ўз ҳадисида Абдуллоҳ ибн Рофеъни зикр қилмаган. Ҳажжож ҳадис аҳли наздида ишончли, ҳофиз (киши)дир. Мен Муҳаммад (ибн Исмоил)нинг: «Маъмар ва Муовия ибн Салломнинг ривояти саҳиҳроқдир», — деганини эшитдим.