Amr ibn Shuayb (rahimahulloh)dan rivoyat qilinadi: U Tovusning Ibn Umar va Ibn Abbosdan, ular esa hadisni Nabiy ﷺga koʻtarib (marfuʼ qilib) shu hadisni rivoyat qilganini eshitgan. Abu Iso aytdi: Ibn Abbos (roziyallohu anhumo)ning hadisi hasan sahih hadisdir. Nabiy ﷺning sahobalari va boshqalardan boʻlmish baʼzi ilm ahli nazdida amal shu hadisga binoandir. Ular: «Kim mahram qarindoshiga hadya bersa, uni qaytarib olishga haqli emas; kim mahram boʻlmagan kishiga hadya bersa, undan (evaz) olmagan ekan, uni qaytarib olishga haqlidir», deganlar. Bu Savriyning soʻzidir. Shofeiy esa: «Hech kimga bergan inʼomini qaytarib olish halol emas, magar bolasiga bergan narsasida ota mustasnodir», degan. Shofeiy Abdulloh ibn Umarning Nabiy ﷺdan rivoyat qilgan hadisi bilan dalil keltirgan: U zot: «Hech kimga bergan inʼomini qaytarib olish halol emas, magar bolasiga bergan narsasida ota mustasnodir», dedilar.Амр ибн Шуайб (раҳимаҳуллоҳ)дан ривоят қилинади: У Товуснинг Ибн Умар ва Ибн Аббосдан, улар эса ҳадисни Набий ﷺга кўтариб (марфуъ қилиб) шу ҳадисни ривоят қилганини эшитган. Абу Исо айтди: Ибн Аббос (розияллоҳу анҳумо)нинг ҳадиси ҳасан саҳиҳ ҳадисдир. Набий ﷺнинг саҳобалари ва бошқалардан бўлмиш баъзи илм аҳли наздида амал шу ҳадисга биноандир. Улар: «Ким маҳрам қариндошига ҳадя берса, уни қайтариб олишга ҳақли эмас; ким маҳрам бўлмаган кишига ҳадя берса, ундан (эваз) олмаган экан, уни қайтариб олишга ҳақлидир», деганлар. Бу Саврийнинг сўзидир. Шофеий эса: «Ҳеч кимга берган инъомини қайтариб олиш ҳалол эмас, магар боласига берган нарсасида ота мустаснодир», деган. Шофеий Абдуллоҳ ибн Умарнинг Набий ﷺдан ривоят қилган ҳадиси билан далил келтирган: У зот: «Ҳеч кимга берган инъомини қайтариб олиш ҳалол эмас, магар боласига берган нарсасида ота мустаснодир», дедилар.