Anas (roziyallohu anhu)dan rivoyat qilinadi: Bir joriya egnida kumush taqinchoqlari bilan chiqdi. Bir yahudiy uni ushlab, boshini tosh bilan ezdi va egnidagi taqinchoqlarini oldi. Uning (jonida) bir oz ramaq (hayot belgisi) bor holda topib olindi va Nabiy ﷺ huzuriga keltirildi. U zot: «Seni kim oʻldirdi? Falonchimi?» dedilar. U boshi bilan «yoʻq» (ishorasini) qildi. U zot: «Bas, falonchimi?» dedilar — toki yahudiy nomi aytilguncha. Shunda u boshi bilan «ha» (ishorasini) qildi. (Yahudiy) ushlab keltirildi va (jinoyatini) tan oldi. Rasululloh ﷺ buyurdilar va uning boshi ikki tosh orasida ezildi. Abu Iso aytdi: Bu hadis hasan sahihdir. Baʼzi ilm ahli huzurida shunga amal qilinadi, bu Ahmad va Ishoqning soʻzidir. Baʼzi ilm ahli: Qisos faqat qilich bilangina (boʻladi), deyishgan.Анас (розияллоҳу анҳу)дан ривоят қилинади: Бир жория эгнида кумуш тақинчоқлари билан чиқди. Бир яҳудий уни ушлаб, бошини тош билан эзди ва эгнидаги тақинчоқларини олди. Унинг (жонида) бир оз рамақ (ҳаёт белгиси) бор ҳолда топиб олинди ва Набий ﷺ ҳузурига келтирилди. У зот: «Сени ким ўлдирди? Фалончими?» дедилар. У боши билан «йўқ» (ишорасини) қилди. У зот: «Бас, фалончими?» дедилар — токи яҳудий номи айтилгунча. Шунда у боши билан «ҳа» (ишорасини) қилди. (Яҳудий) ушлаб келтирилди ва (жиноятини) тан олди. Расулуллоҳ ﷺ буюрдилар ва унинг боши икки тош орасида эзилди. Абу Исо айтди: Бу ҳадис ҳасан саҳиҳдир. Баъзи илм аҳли ҳузурида шунга амал қилинади, бу Аҳмад ва Ишоқнинг сўзидир. Баъзи илм аҳли: Қисос фақат қилич билангина (бўлади), дейишган.