Usmon ibn Affon (roziyallohu anhu)dan rivoyat qilinadi. U aytdi: Rasululloh ﷺ: «Kim xufton namozida jamoat bilan hozir boʻlsa, unga yarim kechani (ibodat bilan) qoyim boʻlgan (savobi) boʻladi. Kim xufton va bomdodni jamoat bilan oʻqisa, unga butun kechani qoyim boʻlgan kabi (savob) boʻladi», dedilar. U (rovi) aytdi: Bu bobda Ibn Umar, Abu Hurayra, Anas, Umora ibn Ruvayba, Jundab ibn Abdulloh ibn Sufyon al-Bajaliy, Ubay ibn Kaʼb, Abu Muso va Buraydadan ham (rivoyatlar) bor. Abu Iso aytdi: Usmonning hadisi hasan hadisdir. Bu hadis Abdurahmon ibn Abu Amradan, u Usmondan mavquf holda ham rivoyat qilingan, hamda bir necha yoʻl bilan Usmondan marfuʼ holda rivoyat qilingan.Усмон ибн Аффон (розияллоҳу анҳу)дан ривоят қилинади. У айтди: Расулуллоҳ ﷺ: «Ким хуфтон намозида жамоат билан ҳозир бўлса, унга ярим кечани (ибодат билан) қойим бўлган (савоби) бўлади. Ким хуфтон ва бомдодни жамоат билан ўқиса, унга бутун кечани қойим бўлган каби (савоб) бўлади», дедилар. У (рови) айтди: Бу бобда Ибн Умар, Абу Ҳурайра, Анас, Умора ибн Рувайба, Жундаб ибн Абдуллоҳ ибн Суфён ал-Бажалий, Убай ибн Каъб, Абу Мусо ва Бурайдадан ҳам (ривоятлар) бор. Абу Исо айтди: Усмоннинг ҳадиси ҳасан ҳадисдир. Бу ҳадис Абдураҳмон ибн Абу Амрадан, у Усмондан мавқуф ҳолда ҳам ривоят қилинган, ҳамда бир неча йўл билан Усмондан марфуъ ҳолда ривоят қилинган.