حَدَّثَنَا هَنَّادٌ، حَدَّثَنَا وَكِيعٌ، عَنْ إِسْرَائِيلَ، عَنْ أَبِي إِسْحَاقَ، عَنِ الْبَرَاءِ بْنِ عَازِبٍ، قَالَ لَمَّا قَدِمَ رَسُولُ اللَّهِ صلى الله عليه وسلم الْمَدِينَةَ صَلَّى نَحْوَ بَيْتِ الْمَقْدِسِ سِتَّةَ أَوْ سَبْعَةَ عَشَرَ شَهْرًا وَكَانَ رَسُولُ اللَّهِ صلى الله عليه وسلم يُحِبُّ أَنْ يُوَجَّهَ إِلَى الْكَعْبَةِ فَأَنْزَلَ اللَّهُ تَعَالَىْ: (قَدْ نَرَى تَقَلُّبَ وَجْهِكَ فِي السَّمَاءِ فَلَنُوَلِّيَنَّكَ قِبْلَةً تَرْضَاهَا فَوَلِّ وَجْهَكَ شَطْرَ الْمَسْجِدِ الْحَرَامِ) فَوُجِّهَ نَحْوَ الْكَعْبَةِ وَكَانَ يُحِبُّ ذَلِكَ فَصَلَّى رَجُلٌ مَعَهُ الْعَصْرَ ثُمَّ مَرَّ عَلَى قَوْمٍ مِنَ الأَنْصَارِ وَهُمْ رُكُوعٌ فِي صَلاَةِ الْعَصْرِ نَحْوَ بَيْتِ الْمَقْدِسِ فَقَالَ هُوَ يَشْهَدُ أَنَّهُ صَلَّى مَعَ رَسُولِ اللَّهِ صلى الله عليه وسلم وَأَنَّهُ قَدْ وُجِّهَ إِلَى الْكَعْبَةِ . قَالَ فَانْحَرَفُوا وَهُمْ رُكُوعٌ . قَالَ وَفِي الْبَابِ عَنِ ابْنِ عُمَرَ وَابْنِ عَبَّاسٍ وَعُمَارَةَ بْنِ أَوْسٍ وَعَمْرِو بْنِ عَوْفٍ الْمُزَنِيِّ وَأَنَسٍ . قَالَ أَبُو عِيسَى وَحَدِيثُ الْبَرَاءِ حَدِيثٌ حَسَنٌ صَحِيحٌ . وَقَدْ رَوَاهُ سُفْيَانُ الثَّوْرِيُّ عَنْ أَبِي إِسْحَاقَ .
Al-Baro ibn Ozib (roziyallohu anhu)dan rivoyat qilinadi: «Rasululloh ﷺ Madinaga kelganlarida Baytul Maqdis tomon oʻn olti yoki oʻn yetti oy namoz oʻqidilar. Rasululloh ﷺ Kaʼba tomon yuzlantirilishlarini yaxshi koʻrar edilar. Shunda Alloh taolo: {Aniq, Biz yuzingni osmonga (intiq boʻlib) burayotganingni koʻrmoqdamiz. Bas, albatta, Biz seni oʻzing rozi boʻladigan qiblaga qaratamiz. Endi yuzingni Masjidul Haram tomon bur} (Baqara 144) (oyatini) nozil qildi. Shunda u zot Kaʼba tomon yuzlantirildilar va buni yaxshi koʻrar edilar. Bir kishi u zot bilan asr (namozini) oʻqigan edi, soʻng ansorlardan boʻlgan bir qavmning oldidan oʻtdi, ular asr namozida Baytul Maqdis tomon rukuʼda turgan edilar. U: ‹Men Rasululloh ﷺ bilan namoz oʻqiganimga va u zot Kaʼba tomon yuzlantirilganliklariga guvohlik beraman›, dedi». U (Baro) aytdi: «Shunda ular rukuʼda turgan holatlaricha (qiblaga) burildilar». (Abu Iso) aytdi: Bu bobda Ibn Umar, Ibn Abbos, Umora ibn Avs, Amr ibn Avf al-Muzaniy va Anasdan ham (rivoyatlar) bor. Abu Iso aytdi: Baroning hadisi hasan sahih hadisdir. Uni Sufyon as-Savriy ham Abu Ishoqdan rivoyat qilgan.Ал-Баро ибн Озиб (розияллоҳу анҳу)дан ривоят қилинади: «Расулуллоҳ ﷺ Мадинага келганларида Байтул Мақдис томон ўн олти ёки ўн етти ой намоз ўқидилар. Расулуллоҳ ﷺ Каъба томон юзлантирилишларини яхши кўрар эдилар. Шунда Аллоҳ таоло: {Аниқ, Биз юзингни осмонга (интиқ бўлиб) бураётганингни кўрмоқдамиз. Бас, албатта, Биз сени ўзинг рози бўладиган қиблага қаратамиз. Энди юзингни Масжидул Ҳарам томон бур} (Бақара 144) (оятини) нозил қилди. Шунда у зот Каъба томон юзлантирилдилар ва буни яхши кўрар эдилар. Бир киши у зот билан аср (намозини) ўқиган эди, сўнг ансорлардан бўлган бир қавмнинг олдидан ўтди, улар аср намозида Байтул Мақдис томон рукуъда турган эдилар. У: ‹Мен Расулуллоҳ ﷺ билан намоз ўқиганимга ва у зот Каъба томон юзлантирилганликларига гувоҳлик бераман›, деди». У (Баро) айтди: «Шунда улар рукуъда турган ҳолатларича (қиблага) бурилдилар». (Абу Исо) айтди: Бу бобда Ибн Умар, Ибн Аббос, Умора ибн Авс, Амр ибн Авф ал-Музаний ва Анасдан ҳам (ривоятлар) бор. Абу Исо айтди: Баронинг ҳадиси ҳасан саҳиҳ ҳадисдир. Уни Суфён ас-Саврий ҳам Абу Ишоқдан ривоят қилган.