Abu Saʼlaba al-Xushaniy (roziyallohu anhu)dan rivoyat qilinadiki, u: «Yo Rasululloh, biz ahli kitob yurtida boʻlib, ularning qozonlarida (taom) pishiramiz va ularning idishlarida (suv) ichamiz», dedi. Shunda Rasululloh ﷺ: «Agar ulardan boshqasini topmasangiz, ularni suv bilan yuvinglar», dedilar. Soʻng u: «Yo Rasululloh, biz ov (koʻp) yerda boʻlsak, qanday qilaylik?» dedi. U zot: «Oʻrgatilgan itingni (ov ustiga) qoʻyib yuborsang va Allohning ismini zikr qilsang, u (ovni) oʻldirsa — yegin. Agar u oʻrgatilmagan boʻlsayu, lekin (ov shariatga muvofiq) soʻyilsa — yegin. Kamoningni otib, Allohning ismini zikr qilsang va u (ovni) oʻldirsa — yegin», dedilar. Abu Iso aytdi: Bu hadis hasan sahihdir.Абу Саълаба ал-Хушаний (розияллоҳу анҳу)дан ривоят қилинадики, у: «Ё Расулуллоҳ, биз аҳли китоб юртида бўлиб, уларнинг қозонларида (таом) пиширамиз ва уларнинг идишларида (сув) ичамиз», деди. Шунда Расулуллоҳ ﷺ: «Агар улардан бошқасини топмасангиз, уларни сув билан ювинглар», дедилар. Сўнг у: «Ё Расулуллоҳ, биз ов (кўп) ерда бўлсак, қандай қилайлик?» деди. У зот: «Ўргатилган итингни (ов устига) қўйиб юборсанг ва Аллоҳнинг исмини зикр қилсанг, у (овни) ўлдирса — егин. Агар у ўргатилмаган бўлсаю, лекин (ов шариатга мувофиқ) сўйилса — егин. Камонингни отиб, Аллоҳнинг исмини зикр қилсанг ва у (овни) ўлдирса — егин», дедилар. Абу Исо айтди: Бу ҳадис ҳасан саҳиҳдир.