Ali (roziyallohu anhu)dan rivoyat qilinadiki, Paygʻambar ﷺ: «Albatta, jannatda shunday xonalar borki, ularning tashqarisi ichkarisidan, ichkarisi esa tashqarisidan koʻrinib turadi», dedilar. Shunda bir aʼrobiy oʻrnidan turib: «Ular kim uchun, ey Rasululloh?» dedi. U zot: «Yoqimli (chiroyli) soʻz aytgan, taom yedirgan, doimiy roʻza tutgan va odamlar uxlab yotganda kechasi Alloh uchun namoz oʻqigan kishilar uchundir», dedilar. Abu Iso aytdi: Bu hadis gʻaribdir, uni faqat Abdurrahmon ibn Ishoqning hadisidan bilamiz. Hadis ahlining baʼzilari ushbu Abdurrahmon ibn Ishoq haqida uning yodlashi jihatidan gapirishgan; u kufalik edi. Abdurrahmon ibn Ishoq al-Qurashiy esa madinalik boʻlib, undan koʻra (rivoyatda) mustahkamroqdir; ikkalasi bir asrda boʻlganlar.Али (розияллоҳу анҳу)дан ривоят қилинадики, Пайғамбар ﷺ: «Албатта, жаннатда шундай хоналар борки, уларнинг ташқариси ичкарисидан, ичкариси эса ташқарисидан кўриниб туради», дедилар. Шунда бир аъробий ўрнидан туриб: «Улар ким учун, эй Расулуллоҳ?» деди. У зот: «Ёқимли (чиройли) сўз айтган, таом едирган, доимий рўза тутган ва одамлар ухлаб ётганда кечаси Аллоҳ учун намоз ўқиган кишилар учундир», дедилар. Абу Исо айтди: Бу ҳадис ғарибдир, уни фақат Абдурраҳмон ибн Ишоқнинг ҳадисидан биламиз. Ҳадис аҳлининг баъзилари ушбу Абдурраҳмон ибн Ишоқ ҳақида унинг ёдлаши жиҳатидан гапиришган; у куфалик эди. Абдурраҳмон ибн Ишоқ ал-Қураший эса мадиналик бўлиб, ундан кўра (ривоятда) мустаҳкамроқдир; иккаласи бир асрда бўлганлар.