Talq ibn Ali (roziyallohu anhu)dan rivoyat qilinadiki, u aytdi: Rasululloh ﷺning: «Bir kechada ikkita vitr boʻlmaydi», deganlarini eshitdim. Abu Iso aytdi: Bu hadis hasan gʻaribdir. Ilm ahli tunning avvalida vitr oʻqib, soʻng tunning oxirida turadigan kishi haqida ixtilof qildilar. Nabiy ﷺning sahobalaridan va ulardan keyingilardan baʼzi ilm ahli vitrni buzishni (maʼqul) koʻrdilar va: «Unga bir rakaat qoʻshib, oʻziga (xush keladigancha) namoz oʻqiydi, soʻng namozining oxirida vitrni ado etadi, chunki ‹bir kechada ikkita vitr boʻlmaydi›», dedilar. Ishoq shu (fikr)ga boribdi. Nabiy ﷺning sahobalaridan va boshqalardan baʼzi ilm ahli esa: «Agar tunning avvalida vitr oʻqib, soʻng uxlab, keyin tunning oxirida tursa, oʻziga (xush keladigancha) namoz oʻqiydi, vitrini buzmaydi va vitrini boʻlganicha qoldiradi», dedilar. Bu Sufyon as-Savriy, Molik ibn Anas, Ibn Muborak, Shofeiy, Kufa ahli va Ahmadning soʻzidir. Bu (qaviroq) sahihdir, chunki Nabiy ﷺ vitrdan keyin namoz oʻqiganlari bir necha yoʻl bilan rivoyat qilingan.Талқ ибн Али (розияллоҳу анҳу)дан ривоят қилинадики, у айтди: Расулуллоҳ ﷺнинг: «Бир кечада иккита витр бўлмайди», деганларини эшитдим. Абу Исо айтди: Бу ҳадис ҳасан ғарибдир. Илм аҳли туннинг аввалида витр ўқиб, сўнг туннинг охирида турадиган киши ҳақида ихтилоф қилдилар. Набий ﷺнинг саҳобаларидан ва улардан кейингилардан баъзи илм аҳли витрни бузишни (маъқул) кўрдилар ва: «Унга бир ракаат қўшиб, ўзига (хуш келадиганча) намоз ўқийди, сўнг намозининг охирида витрни адо этади, чунки ‹бир кечада иккита витр бўлмайди›», дедилар. Ишоқ шу (фикр)га борибди. Набий ﷺнинг саҳобаларидан ва бошқалардан баъзи илм аҳли эса: «Агар туннинг аввалида витр ўқиб, сўнг ухлаб, кейин туннинг охирида турса, ўзига (хуш келадиганча) намоз ўқийди, витрини бузмайди ва витрини бўлганича қолдиради», дедилар. Бу Суфён ас-Саврий, Молик ибн Анас, Ибн Муборак, Шофеий, Куфа аҳли ва Аҳмаднинг сўзидир. Бу (қавироқ) саҳиҳдир, чунки Набий ﷺ витрдан кейин намоз ўқиганлари бир неча йўл билан ривоят қилинган.