Ibn Umar (roziyallohu anhumo)dan rivoyat qilinadi: Umar bizga Jobiyada xutba qilib: «Ey odamlar! Men sizlar orasida Rasululloh ﷺ biz orasida turganlaridek turibman», dedi. U zot (Rasululloh ﷺ): «Sizlarga ashoblarim, soʻng ulardan keyingilar, soʻng ulardan keyingilar haqida vasiyat qilaman. Soʻngra yolgʻon shu qadar tarqaladiki, hatto kishi qasam soʻralmasa ham qasam ichadi, guvohlik soʻralmasa ham guvohlik beradi. Ogoh boʻlinglar! Bir kishi bir ayol bilan yolgʻiz qolmasin, chunki ularning uchinchisi shaytondir. Jamoatni mahkam tutinglar, tarqoqlikdan saqlaninglar, zero shayton yolgʻiz kishi bilan boʻladi, ikki kishidan esa uzoqroqdir. Kim jannatning oʻrtasini (huzur-halovatini) istasa, jamoatni mahkam tutsin. Kimni yaxshi amali sevintirsa va yomon amali xafa qilsa, ana oʻsha moʻmindir», dedilar. Abu Iso aytdi: Bu hadis bu yoʻldan hasan sahih gʻaribdir. Uni Ibn Muborak Muhammad ibn Suqadan rivoyat qilgan, bu hadis bir necha yoʻldan Umardan, u Nabiy ﷺdan ham rivoyat qilingan.Ибн Умар (розияллоҳу анҳумо)дан ривоят қилинади: Умар бизга Жобияда хутба қилиб: «Эй одамлар! Мен сизлар орасида Расулуллоҳ ﷺ биз орасида турганларидек турибман», деди. У зот (Расулуллоҳ ﷺ): «Сизларга ашобларим, сўнг улардан кейингилар, сўнг улардан кейингилар ҳақида васият қиламан. Сўнгра ёлғон шу қадар тарқаладики, ҳатто киши қасам сўралмаса ҳам қасам ичади, гувоҳлик сўралмаса ҳам гувоҳлик беради. Огоҳ бўлинглар! Бир киши бир аёл билан ёлғиз қолмасин, чунки уларнинг учинчиси шайтондир. Жамоатни маҳкам тутинглар, тарқоқликдан сақланинглар, зеро шайтон ёлғиз киши билан бўлади, икки кишидан эса узоқроқдир. Ким жаннатнинг ўртасини (ҳузур-ҳаловатини) истаса, жамоатни маҳкам тутсин. Кимни яхши амали севинтирса ва ёмон амали хафа қилса, ана ўша мўминдир», дедилар. Абу Исо айтди: Бу ҳадис бу йўлдан ҳасан саҳиҳ ғарибдир. Уни Ибн Муборак Муҳаммад ибн Суқадан ривоят қилган, бу ҳадис бир неча йўлдан Умардан, у Набий ﷺдан ҳам ривоят қилинган.