Huzayfa (roziyallohu anhu)dan rivoyat qilinadi: Umar (roziyallohu anhu): «Qaysingiz Rasululloh ﷺning fitna haqida aytganlarini yodda saqlaysiz?» dedi. Huzayfa: «Men», dedi. Huzayfa: «Kishining ahli, moli, farzandi va qoʻshnisi (sababli yetadigan) fitnasini namoz, roʻza, sadaqa, yaxshilikka buyurish va yomonlikdan qaytarish kechiradi», dedi. Umar: «Men sendan bu haqda soʻrayotganim yoʻq, balki dengiz toʻlqini kabi mavjlanadigan fitna haqida (soʻrayapman)», dedi. (Huzayfa): «Ey moʻminlar amiri, sen bilan uning oʻrtasida yopiq bir eshik bor», dedi. Umar: «U ochiladimi yoki sindiriladimi?» dedi. (Huzayfa): «Yoʻq, balki sindiriladi», dedi. (Umar): «Unda u qiyomat kunigacha yopilmas ekan-da», dedi. Abu Voil, Hammodning hadisida aytdi: Men Masruqqa: «Huzayfadan eshik haqida soʻra», dedim. U undan soʻradi. (Huzayfa): «Umar (oʻzidir)», dedi. Abu Iso aytdi: Bu hadis sahihdir.Ҳузайфа (розияллоҳу анҳу)дан ривоят қилинади: Умар (розияллоҳу анҳу): «Қайсингиз Расулуллоҳ ﷺнинг фитна ҳақида айтганларини ёдда сақлайсиз?» деди. Ҳузайфа: «Мен», деди. Ҳузайфа: «Кишининг аҳли, моли, фарзанди ва қўшниси (сабабли етадиган) фитнасини намоз, рўза, садақа, яхшиликка буюриш ва ёмонликдан қайтариш кечиради», деди. Умар: «Мен сендан бу ҳақда сўраётганим йўқ, балки денгиз тўлқини каби мавжланадиган фитна ҳақида (сўраяпман)», деди. (Ҳузайфа): «Эй мўминлар амири, сен билан унинг ўртасида ёпиқ бир эшик бор», деди. Умар: «У очиладими ёки синдириладими?» деди. (Ҳузайфа): «Йўқ, балки синдирилади», деди. (Умар): «Унда у қиёмат кунигача ёпилмас экан-да», деди. Абу Воил, Ҳаммоднинг ҳадисида айтди: Мен Масруққа: «Ҳузайфадан эшик ҳақида сўра», дедим. У ундан сўради. (Ҳузайфа): «Умар (ўзидир)», деди. Абу Исо айтди: Бу ҳадис саҳиҳдир.