حَدَّثَنَا هَنَّادٌ، حَدَّثَنَا عَبْدَةُ بْنُ سُلَيْمَانَ، عَنْ عَبْدِ الْمَلِكِ بْنِ أَبِي سُلَيْمَانَ، عَنْ سَعِيدِ بْنِ جُبَيْرٍ، قَالَ سُئِلْتُ عَنِ الْمُتَلاَعِنَيْنِ، فِي إِمَارَةِ مُصْعَبِ بْنِ الزُّبَيْرِ أَيُفَرَّقُ بَيْنَهُمَا فَمَا دَرَيْتُ مَا أَقُولُ فَقُمْتُ مِنْ مَكَانِي إِلَى مَنْزِلِ عَبْدِ اللَّهِ بْنِ عُمَرَ فَاسْتَأْذَنْتُ عَلَيْهِ فَقِيلَ لِي إِنَّهُ قَائِلٌ فَسَمِعَ كَلاَمِي فَقَالَ لِي ابْنَ جُبَيْرٍ ادْخُلْ مَا جَاءَ بِكَ إِلاَّ حَاجَةٌ قَالَ فَدَخَلْتُ فَإِذَا هُوَ مُفْتَرِشٌ بَرْدَعَةَ رَحْلٍ لَهُ فَقُلْتُ يَا أَبَا عَبْدِ الرَّحْمَنِ الْمُتَلاَعِنَانِ أَيُفَرَّقُ بَيْنَهُمَا فَقَالَ سُبْحَانَ اللَّهِ نَعَمْ إِنَّ أَوَّلَ مَنْ سَأَلَ عَنْ ذَلِكَ فُلاَنُ بْنُ فُلاَنٍ أَتَى النَّبِيَّ صلى الله عليه وسلم فَقَالَ يَا رَسُولَ اللَّهِ أَرَأَيْتَ لَوْ أَنَّ أَحَدَنَا رَأَى امْرَأَتَهُ عَلَى فَاحِشَةٍ كَيْفَ يَصْنَعُ إِنْ تَكَلَّمَ تَكَلَّمَ بِأَمْرٍ عَظِيمٍ وَإِنْ سَكَتَ سَكَتَ عَلَى أَمْرٍ عَظِيمٍ قَالَ فَسَكَتَ النَّبِيُّ صلى الله عليه وسلم فَلَمْ يُجِبْهُ فَلَمَّا كَانَ بَعْدَ ذَلِكَ أَتَى النَّبِيَّ صلى الله عليه وسلم فَقَالَ إِنَّ الَّذِي سَأَلْتُكَ عَنْهُ قَدِ ابْتُلِيتُ بِهِ فَأَنْزَلَ اللَّهُ هَذِهِ الآيَاتِ فِي سُورَةِ النُّورِ : (والَّذِينَ يَرْمُونَ أَزْوَاجَهُمْ وَلَمْ يَكُنْ لَهُمْ شُهَدَاءُ إِلاَّ أَنْفُسُهُمْ ) حَتَّى خَتَمَ الآيَاتِ قَالَ فَدَعَا الرَّجُلَ فَتَلاَهُنَّ عَلَيْهِ وَوَعَظَهُ وَذَكَّرَهُ وَأَخْبَرَهُ أَنَّ عَذَابَ الدُّنْيَا أَهْوَنُ مِنْ عَذَابِ الآخِرَةِ فَقَالَ لاَ وَالَّذِي بَعَثَكَ بِالْحَقِّ مَا كَذَبْتُ عَلَيْهَا . ثُمَّ ثَنَّى بِالْمَرْأَةِ وَوَعَظَهَا وَذَكَّرَهَا وَأَخْبَرَهَا أَنَّ عَذَابَ الدُّنْيَا أَهْوَنُ مِنْ عَذَابِ الآخِرَةِ فَقَالَتْ لاَ وَالَّذِي بَعَثَكَ بِالْحَقِّ مَا صَدَقَ . فَبَدَأَ بِالرَّجُلِ فَشَهِدَ أَرْبَعَ شَهَادَاتٍ بِاللَّهِ إِنَّهُ لَمِنَ الصَّادِقِينَ وَالْخَامِسَةَ أَنَّ لَعْنَةَ اللَّهِ عَلَيْهِ إِنْ كَانَ مِنَ الْكَاذِبِينَ ثُمَّ ثَنَّى بِالْمَرْأَةِ فَشَهِدَتْ أَرْبَعَ شَهَادَاتٍ بِاللَّهِ إِنَّهُ لَمِنَ الْكَاذِبِينَ وَالْخَامِسَةَ أَنَّ غَضَبَ اللَّهِ عَلَيْهَا إِنْ كَانَ مِنَ الصَّادِقِينَ ثُمَّ فَرَّقَ بَيْنَهُمَا . وَفِي الْبَابِ عَنْ سَهْلِ بْنِ سَعْدٍ قَالَ وَهَذَا حَدِيثٌ حَسَنٌ صَحِيحٌ .
Said ibn Jubayr (rahimahulloh) aytdi: Musʼab ibn az-Zubayr amirligi davrida mendan liʼon qilgan er-xotin haqida: ‹Ular ajratiladimi?› deb soʻrashdi. Men nima deyishni bilmadim, oʻrnimdan turib, Abdulloh ibn Umar (roziyallohu anhumo)ning uyiga bordim va kirishga izn soʻradim. Menga: ‹U qaylula qilmoqda›, deyishdi. Lekin u soʻzimni eshitib qolibdi va: ‹Ibn Jubayrmi? Kir, seni ehtiyojdan boshqa narsa olib kelmagandir›, dedi. Men kirsam, u egar toʻshagʻini yozib oʻtirgan ekan. ‹Ey Abu Abdurrahmon, liʼon qilgan er-xotin ajratiladimi?› dedim. U: ‹Subhanalloh! Ha. Bu haqda birinchi boʻlib falonchi ibn falonchi soʻragan edi. U Nabiy ﷺ huzurlariga kelib: ‹Ey Rasululloh, agar bizdan birimiz xotinini fohishalik ustida koʻrib qolsa, qanday qiladi? Agar gapirsa, ulkan bir ish haqida gapirgan boʻladi; agar jim tursa, ulkan bir ish ustiga jim turgan boʻladi›, dedi. Nabiy ﷺ jim turdilar va unga javob bermadilar. Bir muncha vaqtdan keyin u Nabiy ﷺ huzurlariga kelib: ‹Sizdan soʻragan narsam menga sinov boʻlib keldi (boshimga tushdi)›, dedi. Shunda Alloh Nur surasidagi {Xotinlarini (zinoda) ayblab, oʻzlaridan boshqa guvohlari boʻlmaganlar} (oyatlarini) oxirigacha nozil qildi. (Nabiy ﷺ) u kishini chaqirib, oyatlarni unga tilovat qildilar, unga vaʼz qilib, eslatma berdilar va dunyo azobi oxirat azobidan yengilroq ekanini bildirdilar. U: ‹Yoʻq, sizni haq bilan yuborgan Zotga qasamki, men u (xotin) haqida yolgʻon gapirmadim›, dedi. Soʻng (Nabiy ﷺ) ayolga (yuzlandilar), unga ham vaʼz qilib, eslatma berdilar va dunyo azobi oxirat azobidan yengilroq ekanini bildirdilar. U: ‹Yoʻq, sizni haq bilan yuborgan Zotga qasamki, u rost gapirmadi›, dedi. Soʻng (Nabiy ﷺ) erkakdan boshlab, u toʻrt marta Alloh nomi bilan oʻzining rostgoʻylardan ekaniga guvohlik berdi, beshinchisida esa, agar yolgʻonchilardan boʻlsa, Allohning laʼnati uning ustiga boʻlishiga (guvohlik berdi). Soʻng ayolga (oʻtdilar), u toʻrt marta Alloh nomi bilan u (er) yolgʻonchilardan ekaniga guvohlik berdi, beshinchisida esa, agar u (er) rostgoʻylardan boʻlsa, Allohning gʻazabi oʻzining ustiga boʻlishiga (guvohlik berdi). Soʻng (Nabiy ﷺ) ular ikkovini ajratib qoʻydilar›, dedi. Bu bobda Sahl ibn Saʼddan (ham rivoyat) bor. (Abu Iso) aytdi: Bu hadis hasan sahihdir.Саид ибн Жубайр (раҳимаҳуллоҳ) айтди: Мусъаб ибн аз-Зубайр амирлиги даврида мендан лиъон қилган эр-хотин ҳақида: ‹Улар ажратиладими?› деб сўрашди. Мен нима дейишни билмадим, ўрнимдан туриб, Абдуллоҳ ибн Умар (розияллоҳу анҳумо)нинг уйига бордим ва киришга изн сўрадим. Менга: ‹У қайлула қилмоқда›, дейишди. Лекин у сўзимни эшитиб қолибди ва: ‹Ибн Жубайрми? Кир, сени эҳтиёждан бошқа нарса олиб келмагандир›, деди. Мен кирсам, у эгар тўшағини ёзиб ўтирган экан. ‹Эй Абу Абдурраҳмон, лиъон қилган эр-хотин ажратиладими?› дедим. У: ‹Субҳаналлоҳ! Ҳа. Бу ҳақда биринчи бўлиб фалончи ибн фалончи сўраган эди. У Набий ﷺ ҳузурларига келиб: ‹Эй Расулуллоҳ, агар биздан биримиз хотинини фоҳишалик устида кўриб қолса, қандай қилади? Агар гапирса, улкан бир иш ҳақида гапирган бўлади; агар жим турса, улкан бир иш устига жим турган бўлади›, деди. Набий ﷺ жим турдилар ва унга жавоб бермадилар. Бир мунча вақтдан кейин у Набий ﷺ ҳузурларига келиб: ‹Сиздан сўраган нарсам менга синов бўлиб келди (бошимга тушди)›, деди. Шунда Аллоҳ Нур сурасидаги {Хотинларини (зинода) айблаб, ўзларидан бошқа гувоҳлари бўлмаганлар} (оятларини) охиригача нозил қилди. (Набий ﷺ) у кишини чақириб, оятларни унга тиловат қилдилар, унга ваъз қилиб, эслатма бердилар ва дунё азоби охират азобидан енгилроқ эканини билдирдилар. У: ‹Йўқ, сизни ҳақ билан юборган Зотга қасамки, мен у (хотин) ҳақида ёлғон гапирмадим›, деди. Сўнг (Набий ﷺ) аёлга (юзландилар), унга ҳам ваъз қилиб, эслатма бердилар ва дунё азоби охират азобидан енгилроқ эканини билдирдилар. У: ‹Йўқ, сизни ҳақ билан юборган Зотга қасамки, у рост гапирмади›, деди. Сўнг (Набий ﷺ) эркакдан бошлаб, у тўрт марта Аллоҳ номи билан ўзининг ростгўйлардан эканига гувоҳлик берди, бешинчисида эса, агар ёлғончилардан бўлса, Аллоҳнинг лаънати унинг устига бўлишига (гувоҳлик берди). Сўнг аёлга (ўтдилар), у тўрт марта Аллоҳ номи билан у (эр) ёлғончилардан эканига гувоҳлик берди, бешинчисида эса, агар у (эр) ростгўйлардан бўлса, Аллоҳнинг ғазаби ўзининг устига бўлишига (гувоҳлик берди). Сўнг (Набий ﷺ) улар икковини ажратиб қўйдилар›, деди. Бу бобда Саҳл ибн Саъддан (ҳам ривоят) бор. (Абу Исо) айтди: Бу ҳадис ҳасан саҳиҳдир.