حَدَّثَنَا مُحَمَّدُ بْنُ بَشَّارٍ، حَدَّثَنَا مُحَمَّدُ بْنُ أَبِي عَدِيٍّ، حَدَّثَنَا هِشَامُ بْنُ حَسَّانَ، حَدَّثَنِي عِكْرِمَةُ، عَنِ ابْنِ عَبَّاسٍ، أَنَّ هِلاَلَ بْنَ أُمَيَّةَ، قَذَفَ امْرَأَتَهُ عِنْدَ النَّبِيِّ صلى الله عليه وسلم بِشَرِيكِ بْنِ السَّحْمَاءِ فَقَالَ رَسُولُ اللَّهِ صلى الله عليه وسلم " الْبِيِّنَةَ وَإِلاَّ حَدٌّ فِي ظَهْرِكَ " . قَالَ فَقَالَ هِلاَلٌ يَا رَسُولَ اللَّهِ إِذَا رَأَى أَحَدُنَا رَجُلاً عَلَى امْرَأَتِهِ أَيَلْتَمِسُ الْبَيِّنَةَ فَجَعَلَ رَسُولُ اللَّهِ صلى الله عليه وسلم يَقُولُ " الْبَيِّنَةَ وَإِلاَّ حَدٌّ فِي ظَهْرِكَ " . قَالَ فَقَالَ هِلاَلٌ وَالَّذِي بَعَثَكَ بِالْحَقِّ إِنِّي لَصَادِقٌ وَلَيَنْزِلَنَّ فِي أَمْرِي مَا يُبَرِّئُ ظَهْرِي مِنَ الْحَدِّ فَنَزَلَ : (والَّذِينَ يَرْمُونَ أَزْوَاجَهُمْ وَلَمْ يَكُنْ لَهُمْ شُهَدَاءُ إِلاَّ أَنْفُسُهُمْ ) فَقَرَأَ حَتَّى بَلَغَ : ( والْخَامِسَةَ أَنَّ غَضَبَ اللَّهِ عَلَيْهَا إِنْ كَانَ مِنَ الصَّادِقِينَ ) قَالَ فَانْصَرَفَ النَّبِيُّ صلى الله عليه وسلم فَأَرْسَلَ إِلَيْهِمَا فَجَاءَا فَقَامَ هِلاَلُ بْنُ أُمَيَّةَ فَشَهِدَ وَالنَّبِيُّ صلى الله عليه وسلم يَقُولُ " إِنَّ اللَّهَ يَعْلَمُ أَنَّ أَحَدَكُمَا كَاذِبٌ فَهَلْ مِنْكُمَا تَائِبٌ " . ثُمَّ قَامَتْ فَشَهِدَتْ فَلَمَّا كَانَتْ عِنْدَ الْخَامِسَةِ : ( أنَّ غَضَبَ اللَّهِ عَلَيْهَا إِنْ كَانَ مِنَ الصَّادِقِينَ ) قَالُوا لَهَا إِنَّهَا مُوجِبَةٌ فَقَالَ ابْنُ عَبَّاسٍ فَتَلَكَّأَتْ وَنَكَسَتْ حَتَّى ظَنَنَّا أَنْ سَتَرْجِعُ فَقَالَتْ لاَ أَفْضَحُ قَوْمِي سَائِرَ الْيَوْمِ . فَقَالَ النَّبِيُّ صلى الله عليه وسلم " أَبْصِرُوهَا فَإِنْ جَاءَتْ بِهِ أَكْحَلَ الْعَيْنَيْنِ سَابِغَ الأَلْيَتَيْنِ خَدَلَّجَ السَّاقَيْنِ فَهُوَ لِشَرِيكِ بْنِ السَّحْمَاءِ " . فَجَاءَتْ بِهِ كَذَلِكَ فَقَالَ النَّبِيُّ صلى الله عليه وسلم " لَوْلاَ مَا مَضَى مِنْ كِتَابِ اللَّهِ عَزَّ وَجَلَّ لَكَانَ لَنَا وَلَهَا شَأْنٌ " . قَالَ أَبُو عِيسَى هَذَا حَدِيثٌ حَسَنٌ غَرِيبٌ مِنْ هَذَا الْوَجْهِ مِنْ حَدِيثِ هِشَامِ بْنِ حَسَّانَ وَهَكَذَا رَوَى عَبَّادُ بْنُ مَنْصُورٍ هَذَا الْحَدِيثَ عَنْ عِكْرِمَةَ عَنِ ابْنِ عَبَّاسٍ عَنِ النَّبِيِّ صلى الله عليه وسلم . وَرَوَاهُ أَيُّوبُ عَنْ عِكْرِمَةَ مُرْسَلاً وَلَمْ يَذْكُرْ فِيهِ عَنِ ابْنِ عَبَّاسٍ .
Ibn Abbos (roziyallohu anhumo)dan rivoyat qilinadiki, Hilol ibn Umayya Nabiy ﷺ huzurlarida xotinini Sharik ibn as-Sahmo bilan (zinokorlikda) ayblab qazf qildi. Shunda Rasululloh ﷺ: «Yo dalil (keltir), yoki orqangga had (jazo uriladi)», dedilar. Hilol: «Ey Rasululloh, agar bizdan birimiz erkakni xotini ustida koʻrib qolsa, dalil izlab yuradimi?» dedi. Rasululloh ﷺ esa: «Yo dalil, yoki orqangga had», deyaverdilar. Hilol: «Sizni haq bilan yuborgan Zotga qasamki, men rostgoʻyman va mening ishimda orqamni haddan saqlaydigan (vahiy) albatta nozil boʻladi», dedi. Shunda {Xotinlarini (zinoda) ayblab, oʻzlaridan boshqa guvohlari boʻlmaganlar} (oyati) nozil boʻldi va u zot {Beshinchisida, agar u (er) rostgoʻylardan boʻlsa, Allohning gʻazabi oʻzining ustiga boʻlishini (aytadi)} oyatiga yetguncha tilovat qildilar. Soʻng Nabiy ﷺ (joylaridan) qaytib, ularning ikkoviga odam yubordilar, ikkovlari keldi. Hilol ibn Umayya turib guvohlik berdi, Nabiy ﷺ esa: «Albatta, Alloh sizning biringiz yolgʻonchi ekanini biladi, qaniki ikkingizdan tavba qiladigani boʻlsa!» deyardilar. Soʻng ayol turib guvohlik berdi. Beshinchisi — {Agar u (er) rostgoʻylardan boʻlsa, Allohning gʻazabi oʻzining ustiga boʻlishini} (aytish) navbatida unga: ‹Bu (laʼnatni) vojib qiladi›, deyishdi. Ibn Abbos aytdi: U duduqlanib, boshini egdi, hatto biz uni qaytadi (iqror boʻladi) deb oʻyladik. Soʻng u: ‹Qavmimni butun umrim davomida sharmanda qilmayman›, dedi. Shunda Nabiy ﷺ: «Unga qarab turing, agar (bolani) qora koʻzli, katta sonli, yoʻgʻon boldirli qilib tugʻsa, u Sharik ibn as-Sahmonikidir», dedilar. Keyin u (bolani) xuddi shunday qilib tugʻdi. Shunda Nabiy ﷺ: «Agar Aziz va Jalil Allohning Kitobidan (hukm) oʻtib ketmaganida edi, men bilan u (ayol) oʻrtasida (boshqa) ish boʻlardi», dedilar. Abu Iso aytdi: Bu hadis bu yoʻldan, Hishom ibn Hassonning rivoyatidan hasan gʻaribdir. Abbod ibn Mansur ham bu hadisni shu tariqda Ikrimadan, u Ibn Abbosdan, u Nabiy ﷺdan rivoyat qilgan. Ayyub esa uni Ikrimadan mursal qilib rivoyat qilgan va unda Ibn Abbosni zikr qilmagan.Ибн Аббос (розияллоҳу анҳумо)дан ривоят қилинадики, Ҳилол ибн Умайя Набий ﷺ ҳузурларида хотинини Шарик ибн ас-Саҳмо билан (зинокорликда) айблаб қазф қилди. Шунда Расулуллоҳ ﷺ: «Ё далил (келтир), ёки орқангга ҳад (жазо урилади)», дедилар. Ҳилол: «Эй Расулуллоҳ, агар биздан биримиз эркакни хотини устида кўриб қолса, далил излаб юрадими?» деди. Расулуллоҳ ﷺ эса: «Ё далил, ёки орқангга ҳад», деявердилар. Ҳилол: «Сизни ҳақ билан юборган Зотга қасамки, мен ростгўйман ва менинг ишимда орқамни ҳаддан сақлайдиган (ваҳий) албатта нозил бўлади», деди. Шунда {Хотинларини (зинода) айблаб, ўзларидан бошқа гувоҳлари бўлмаганлар} (ояти) нозил бўлди ва у зот {Бешинчисида, агар у (эр) ростгўйлардан бўлса, Аллоҳнинг ғазаби ўзининг устига бўлишини (айтади)} оятига етгунча тиловат қилдилар. Сўнг Набий ﷺ (жойларидан) қайтиб, уларнинг икковига одам юбордилар, икковлари келди. Ҳилол ибн Умайя туриб гувоҳлик берди, Набий ﷺ эса: «Албатта, Аллоҳ сизнинг бирингиз ёлғончи эканини билади, қаники иккингиздан тавба қиладигани бўлса!» деярдилар. Сўнг аёл туриб гувоҳлик берди. Бешинчиси — {Агар у (эр) ростгўйлардан бўлса, Аллоҳнинг ғазаби ўзининг устига бўлишини} (айтиш) навбатида унга: ‹Бу (лаънатни) вожиб қилади›, дейишди. Ибн Аббос айтди: У дудуқланиб, бошини эгди, ҳатто биз уни қайтади (иқрор бўлади) деб ўйладик. Сўнг у: ‹Қавмимни бутун умрим давомида шарманда қилмайман›, деди. Шунда Набий ﷺ: «Унга қараб туринг, агар (болани) қора кўзли, катта сонли, йўғон болдирли қилиб туғса, у Шарик ибн ас-Саҳмоникидир», дедилар. Кейин у (болани) худди шундай қилиб туғди. Шунда Набий ﷺ: «Агар Азиз ва Жалил Аллоҳнинг Китобидан (ҳукм) ўтиб кетмаганида эди, мен билан у (аёл) ўртасида (бошқа) иш бўларди», дедилар. Абу Исо айтди: Бу ҳадис бу йўлдан, Ҳишом ибн Ҳассоннинг ривоятидан ҳасан ғарибдир. Аббод ибн Мансур ҳам бу ҳадисни шу тариқда Икримадан, у Ибн Аббосдан, у Набий ﷺдан ривоят қилган. Айюб эса уни Икримадан мурсал қилиб ривоят қилган ва унда Ибн Аббосни зикр қилмаган.