حَدَّثَنَا عَلِيُّ بْنِ حُجْرٍ، أَخْبَرَنَا عَبْدُ اللَّهِ بْنُ جَعْفَرٍ، حَدَّثَنِي ثَوْرُ بْنُ زَيْدٍ الدِّيلِيُّ، عَنْ أَبِي الْغَيْثِ، عَنْ أَبِي هُرَيْرَةَ، قَالَ كُنَّا عِنْدَ رَسُولِ اللَّهِ صلى الله عليه وسلم حِينَ أُنْزِلَتْ سُورَةُ الْجُمُعَةِ فَتَلاَهَا فَلَمَّا بَلَغَ : ( وآخَرِينَ مِنْهُمْ لَمَّا يَلْحَقُوا بِهِمْ ) قَالَ لَهُ رَجُلٌ يَا رَسُولَ اللَّهِ مَنْ هَؤُلاَءِ الَّذِينَ لَمْ يَلْحَقُوا بِنَا فَلَمْ يُكَلِّمْهُ قَالَ وَسَلْمَانُ الْفَارِسِيُّ فِينَا قَالَ فَوَضَعَ رَسُولُ اللَّهِ صلى الله عليه وسلم يَدَهُ عَلَى سَلْمَانَ فَقَالَ " وَالَّذِي نَفْسِي بِيَدِهِ لَوْ كَانَ الإِيمَانُ بِالثُّرَيَّا لَتَنَاوَلَهُ رِجَالٌ مِنْ هَؤُلاَءِ " . قَالَ أَبُو عِيسَى هَذَا حَدِيثٌ غَرِيبٌ وَقَدْ رُوِيَ هَذَا الْحَدِيثُ عَنْ أَبِي هُرَيْرَةَ عَنِ النَّبِيِّ صلى الله عليه وسلم مِنْ غَيْرِ وَجْهٍ . وَعَبْدُ اللَّهِ بْنُ جَعْفَرٍ هُوَ وَالِدُ عَلِيِّ بْنِ الْمَدِينِيِّ ضَعَّفَهُ يَحْيَى بْنُ مَعِينٍ . ثَوْرُ بْنُ زَيْدٍ مَدَنِيٌّ وَثَوْرُ بْنُ يَزِيدَ شَامِيٌّ وَأَبُو الْغَيْثِ اسْمُهُ سَالِمٌ مَوْلَى عَبْدِ اللَّهِ بْنِ مُطِيعٍ مَدَنِيٌّ ثِقَةٌ .
Abu Hurayra (roziyallohu anhu)dan rivoyat qilinadi: U dedi: Biz Rasululloh ﷺning huzurlarida edik, oʻshanda Jumʼa surasi nozil boʻldi va u zot uni tilovat qildilar. {Ulardan boshqalarga ham (yuborgan Zotdirki), ular hali bularga qoʻshilganlari yoʻq} (Jumʼa 3) (oyatiga) yetganlarida, bir kishi u zotga: ‹Ey Rasululloh, bizga hali qoʻshilmagan bu kishilar kimlar?›, dedi. U zot unga (darrov) javob bermadilar. (Roviy) dedi: Salmon al-Forsiy bizning oramizda edi. (Roviy) dedi: Shunda Rasululloh ﷺ qoʻllarini Salmonning ustiga qoʻyib: «Jonim qoʻlida boʻlgan Zotga qasamki, agar iymon Surayyo (yulduzi)da boʻlganida ham, bu kishilardan baʼzi erlar unga yetib borardilar», dedilar. Abu Iso aytdi: Bu hadis gʻaribdir. Bu hadis Abu Hurayradan, u Nabiy ﷺdan bir necha yoʻl bilan ham rivoyat qilingan. Abdulloh ibn Jaʼfar — u Ali ibnul Madiniyning otasidir, uni Yahyo ibn Maʼin zaif sanagan. Savr ibn Zayd madaniylik, Savr ibn Yazid esa shomlikdir. Abul Gʻaysning ismi Solimdir, u Abdulloh ibn Mutiʼning ozodi qilgan quli, madaniylik va ishonchli (rovii)dir.Абу Ҳурайра (розияллоҳу анҳу)дан ривоят қилинади: У деди: Биз Расулуллоҳ ﷺнинг ҳузурларида эдик, ўшанда Жумъа сураси нозил бўлди ва у зот уни тиловат қилдилар. {Улардан бошқаларга ҳам (юборган Зотдирки), улар ҳали буларга қўшилганлари йўқ} (Жумъа 3) (оятига) етганларида, бир киши у зотга: ‹Эй Расулуллоҳ, бизга ҳали қўшилмаган бу кишилар кимлар?›, деди. У зот унга (дарров) жавоб бермадилар. (Ровий) деди: Салмон ал-Форсий бизнинг орамизда эди. (Ровий) деди: Шунда Расулуллоҳ ﷺ қўлларини Салмоннинг устига қўйиб: «Жоним қўлида бўлган Зотга қасамки, агар иймон Сурайё (юлдузи)да бўлганида ҳам, бу кишилардан баъзи эрлар унга етиб борардилар», дедилар. Абу Исо айтди: Бу ҳадис ғарибдир. Бу ҳадис Абу Ҳурайрадан, у Набий ﷺдан бир неча йўл билан ҳам ривоят қилинган. Абдуллоҳ ибн Жаъфар — у Али ибнул Мадинийнинг отасидир, уни Яҳё ибн Маъин заиф санаган. Савр ибн Зайд маданийлик, Савр ибн Язид эса шомликдир. Абул Ғайснинг исми Солимдир, у Абдуллоҳ ибн Мутиънинг озоди қилган қули, маданийлик ва ишончли (ровии)дир.