Abu Hurayra (roziyallohu anhu) aytdi: Biz Jumʼa surasi nozil boʻlgan paytda Rasulullohning ﷺ huzurida edik. U zot uni tilovat qildilar. {Va ulardan boshqalarga ham (yuborgan) zotdirki, ular hali (avvalgilarga) qoʻshilmaganlar} (Jumʼa surasi 3-oyat)ga yetganlarida, bir kishi u zotga: «Ey Allohning Rasuli, bizga hali qoʻshilmagan bu kimsalar kimlar?» dedi. U zot unga (darhol) javob bermadilar. (Rovi) aytdi: Salmon Forsiy ham oramizda edi. (Rovi) aytdi: Shunda Rasululloh ﷺ qoʻllarini Salmonning ustiga qoʻyib: «Jonim qoʻlida boʻlgan Zotga qasamki, agar iymon Surayyo (yulduzi)da boʻlsa ham, bu (forslar) ichidan kishilar unga yetib borardi», dedilar. Bu hadis hasandir, u bir necha yoʻldan Abu Hurayradan, u Paygʻambar ﷺdan rivoyat qilingan. Abu Gʻaysning ismi Solim boʻlib, Abdulloh ibn Mutiʼning mavlosi, madinalikdir.Абу Ҳурайра (розияллоҳу анҳу) айтди: Биз Жумъа сураси нозил бўлган пайтда Расулуллоҳнинг ﷺ ҳузурида эдик. У зот уни тиловат қилдилар. {Ва улардан бошқаларга ҳам (юборган) зотдирки, улар ҳали (аввалгиларга) қўшилмаганлар} (Жумъа сураси 3-оят)га етганларида, бир киши у зотга: «Эй Аллоҳнинг Расули, бизга ҳали қўшилмаган бу кимсалар кимлар?» деди. У зот унга (дарҳол) жавоб бермадилар. (Рови) айтди: Салмон Форсий ҳам орамизда эди. (Рови) айтди: Шунда Расулуллоҳ ﷺ қўлларини Салмоннинг устига қўйиб: «Жоним қўлида бўлган Зотга қасамки, агар иймон Сурайё (юлдузи)да бўлса ҳам, бу (форслар) ичидан кишилар унга етиб борарди», дедилар. Бу ҳадис ҳасандир, у бир неча йўлдан Абу Ҳурайрадан, у Пайғамбар ﷺдан ривоят қилинган. Абу Ғайснинг исми Солим бўлиб, Абдуллоҳ ибн Мутиънинг мавлоси, мадиналикдир.