Jobir ibn Abdulloh (roziyallohu anhumo)dan rivoyat qilinadi: U dedi: «Men Rasululloh ﷺ vahiyning toʻxtab qolgan davri haqida hikoya qilayotganlarini eshitdim. U zot oʻz hadislarida shunday dedilar: ‹Men yurib ketayotgan edim, osmondan bir ovoz eshitdim. Boshimni koʻtarsam, menga Hiroda kelgan oʻsha farishta osmon bilan yer orasida bir kursida oʻtiribdi. Men undan qoʻrqib (junjikib) ketdim. Qaytib kelib: ‹Meni oʻrab qoʻyinglar, meni oʻrab qoʻyinglar!› dedim. Ular meni (kiyim bilan) oʻrab qoʻyishdi. Shunda Alloh azza va jalla: {Ey (kiyim bilan) oʻralib olgan zot! Tur va ogohlantir} — to {Va pliddan uzoq boʻl} (Muddassir 1-5) degan soʻzigacha (oyatlarni) namoz farz qilinishidan oldin nozil qildi›». Abu Iso aytdi: Bu hadis hasan sahihdir. Buni Yahyo ibn Abu Kasir Abu Salama ibn Abdurrahmondan, u Jobirdan rivoyat qilgan. Abu Salamaning ismi Abdullohdir.Жобир ибн Абдуллоҳ (розияллоҳу анҳумо)дан ривоят қилинади: У деди: «Мен Расулуллоҳ ﷺ ваҳийнинг тўхтаб қолган даври ҳақида ҳикоя қилаётганларини эшитдим. У зот ўз ҳадисларида шундай дедилар: ‹Мен юриб кетаётган эдим, осмондан бир овоз эшитдим. Бошимни кўтарсам, менга Ҳирода келган ўша фаришта осмон билан ер орасида бир курсида ўтирибди. Мен ундан қўрқиб (жунжикиб) кетдим. Қайтиб келиб: ‹Мени ўраб қўйинглар, мени ўраб қўйинглар!› дедим. Улар мени (кийим билан) ўраб қўйишди. Шунда Аллоҳ азза ва жалла: {Эй (кийим билан) ўралиб олган зот! Тур ва огоҳлантир} — то {Ва плиддан узоқ бўл} (Муддассир 1-5) деган сўзигача (оятларни) намоз фарз қилинишидан олдин нозил қилди›». Абу Исо айтди: Бу ҳадис ҳасан саҳиҳдир. Буни Яҳё ибн Абу Касир Абу Салама ибн Абдурраҳмондан, у Жобирдан ривоят қилган. Абу Саламанинг исми Абдуллоҳдир.