حَدَّثَنَا يَحْيَى بْنُ دُرُسْتَ، - الْمِصْرِيُّ - قَالَ حَدَّثَنَا حَمَّادُ بْنُ زَيْدٍ، عَنْ هِشَامِ بْنِ عُرْوَةَ، عَنْ أَبِيهِ، عَنْ عَائِشَةَ، قَالَتْ كَانَ النَّاسُ يَتَحَرَّوْنَ بِهَدَايَاهُمْ يَوْمَ عَائِشَةَ قَالَتْ فَاجْتَمَعَ صَوَاحِبَاتِي إِلَى أُمِّ سَلَمَةَ فَقُلْنَ يَا أُمَّ سَلَمَةَ إِنَّ النَّاسَ يَتَحَرَّوْنَ بِهَدَايَاهُمْ يَوْمَ عَائِشَةَ وَإِنَّا نُرِيدُ الْخَيْرَ كَمَا تُرِيدُ عَائِشَةُ فَقُولِي لِرَسُولِ اللَّهِ صلى الله عليه وسلم يَأْمُرِ النَّاسَ يُهْدُونَ إِلَيْهِ أَيْنَمَا كَانَ فَذَكَرَتْ ذَلِكَ أُمُّ سَلَمَةَ فَأَعْرَضَ عَنْهَا ثُمَّ عَادَ إِلَيْهَا فَأَعَادَتِ الْكَلاَمَ فَقَالَتْ يَا رَسُولَ اللَّهِ إِنَّ صَوَاحِبَاتِي قَدْ ذَكَرْنَ أَنَّ النَّاسَ يَتَحَرَّوْنَ بِهَدَايَاهُمْ يَوْمَ عَائِشَةَ فَأْمُرِ النَّاسَ يُهْدُونَ أَيْنَمَا كُنْتَ . فَلَمَّا كَانَتِ الثَّالِثَةُ قَالَتْ ذَلِكَ قَالَ " يَا أُمَّ سَلَمَةَ لاَ تُؤْذِينِي فِي عَائِشَةَ فَإِنَّهُ مَا أُنْزِلَ عَلَىَّ الْوَحْىُ وَأَنَا فِي لِحَافِ امْرَأَةٍ مِنْكُنَّ غَيْرَهَا " . وَقَدْ رَوَى بَعْضُهُمْ هَذَا الْحَدِيثَ عَنْ حَمَّادِ بْنِ زَيْدٍ عَنْ هِشَامِ بْنِ عُرْوَةَ عَنْ أَبِيهِ عَنِ النَّبِيِّ صلى الله عليه وسلم مُرْسَلاً . هَذَا حَدِيثٌ حَسَنٌ غَرِيبٌ وَقَدْ رُوِيَ عَنْ هِشَامِ بْنِ عُرْوَةَ هَذَا الْحَدِيثُ عَنْ عَوْفِ بْنِ الْحَارِثِ عَنْ رُمَيْثَةَ عَنْ أُمِّ سَلَمَةَ شَيْئًا مِنْ هَذَا .وَهَذَا حَدِيثٌ قَدْ رُوِيَ عَنْ هِشَامِ بْنِ عُرْوَةَ عَلَى رِوَايَاتٍ مُخْتَلِفَةٍ . وَقَدْ رَوَى سُلَيْمَانُ بْنُ بِلاَلٍ عَنْ هِشَامِ بْنِ عُرْوَةَ عَنْ أَبِيهِ عَنْ عَائِشَةَ نَحْوَ حَدِيثِ حَمَّادِ بْنِ زَيْدٍ .
Oisha (roziyallohu anho)dan rivoyat qilinadi: U: «Odamlar hadyalarini Oishaning kuni (berishni) tanlab kutib turardilar», dedi. U yana dedi: «Mening (kundosh) dugonalarim Ummu Salamaning huzuriga toʻplanishib: ‹Ey Ummu Salama, odamlar hadyalarini Oishaning kuni (berishni) tanlab kutib turibdilar. Biz ham Oisha istaganidek yaxshilikni istaymiz. Rasululloh ﷺga ayting, u zot odamlarga qayerda boʻlsalar ham, oʻsha yerga hadya yuborishni buyursinlar›, dedilar. Ummu Salama buni (u zotga) aytdi. U zot undan yuz oʻgirdilar. Soʻng unga (yana) qaytganlarida, u soʻzni qaytarib: ‹Ey Rasululloh, dugonalarim odamlar hadyalarini Oishaning kuni (berishni) tanlab kutayotganlarini aytishdi. Odamlarga qayerda boʻlsangiz ham, oʻsha yerga hadya berishni buyuring›, dedi. Uchinchi marta shuni aytganida, u zot: ‹Ey Ummu Salama, Oisha haqida menga ozor berma. Zero, sizlardan undan boshqa biror ayolning yopinchigʻi ostida boʻlganimda menga vahiy nozil qilinmagan›, dedilar». Baʼzilar bu hadisni Hammod ibn Zayddan, u Hishom ibn Urvadan, u otasidan, u Nabiy ﷺdan mursal (sahobani tushirib) rivoyat qilgan. Bu hadis hasan gʻaribdir. Bu hadis Hishom ibn Urvadan Avf ibn Horis orqali, u Rumaysadan, u Ummu Salamadan ham shunga oʻxshash rivoyat qilingan. Bu hadis Hishom ibn Urvadan turli yoʻllar bilan rivoyat qilingan. Sulaymon ibn Bilol ham buni Hishom ibn Urvadan, u otasidan, u Oishadan Hammod ibn Zaydning hadisiga oʻxshatib rivoyat qilgan.Оиша (розияллоҳу анҳо)дан ривоят қилинади: У: «Одамлар ҳадяларини Оишанинг куни (беришни) танлаб кутиб турардилар», деди. У яна деди: «Менинг (кундош) дугоналарим Умму Саламанинг ҳузурига тўпланишиб: ‹Эй Умму Салама, одамлар ҳадяларини Оишанинг куни (беришни) танлаб кутиб турибдилар. Биз ҳам Оиша истаганидек яхшиликни истаймиз. Расулуллоҳ ﷺга айтинг, у зот одамларга қаерда бўлсалар ҳам, ўша ерга ҳадя юборишни буюрсинлар›, дедилар. Умму Салама буни (у зотга) айтди. У зот ундан юз ўгирдилар. Сўнг унга (яна) қайтганларида, у сўзни қайтариб: ‹Эй Расулуллоҳ, дугоналарим одамлар ҳадяларини Оишанинг куни (беришни) танлаб кутаётганларини айтишди. Одамларга қаерда бўлсангиз ҳам, ўша ерга ҳадя беришни буюринг›, деди. Учинчи марта шуни айтганида, у зот: ‹Эй Умму Салама, Оиша ҳақида менга озор берма. Зеро, сизлардан ундан бошқа бирор аёлнинг ёпинчиғи остида бўлганимда менга ваҳий нозил қилинмаган›, дедилар». Баъзилар бу ҳадисни Ҳаммод ибн Зайддан, у Ҳишом ибн Урвадан, у отасидан, у Набий ﷺдан мурсал (саҳобани тушириб) ривоят қилган. Бу ҳадис ҳасан ғарибдир. Бу ҳадис Ҳишом ибн Урвадан Авф ибн Ҳорис орқали, у Румайсадан, у Умму Саламадан ҳам шунга ўхшаш ривоят қилинган. Бу ҳадис Ҳишом ибн Урвадан турли йўллар билан ривоят қилинган. Сулаймон ибн Билол ҳам буни Ҳишом ибн Урвадан, у отасидан, у Оишадан Ҳаммод ибн Зайднинг ҳадисига ўхшатиб ривоят қилган.