Oisha (roziyallohu anho)dan rivoyat qilinadiki, Paygʻambar ﷺ roʻza oyida (xotinlarini) oʻpar edilar. Abu Iso aytdi: Oisha hadisi hasan sahih hadisdir. Paygʻambar ﷺning sahobalaridan va boshqalardan boʻlgan ahli ilm roʻzadorning oʻpishi haqida ixtilof qildilar. Paygʻambar ﷺning baʼzi sahobalari keksa kishi uchun oʻpishga ruxsat berdilar, yigit uchun esa roʻzasi buzilishidan qoʻrqib ruxsat bermadilar, ular nazdida mubosharat (badanini tegizish) undan qattiqroqdir. Baʼzi ahli ilm: «Oʻpish ajrni kamaytiradi, lekin roʻzadorni iftor qildirmaydi», dedilar. Ular: «Roʻzador oʻzini tuta oladigan boʻlsa oʻpsa boʻladi, oʻzidan amin boʻlmasa, roʻzasi buzilmasligi uchun oʻpishni tark qilsin», deb koʻrdilar. Bu Sufyon Savriy va Shofiʼiyning soʻzidir.Оиша (розияллоҳу анҳо)дан ривоят қилинадики, Пайғамбар ﷺ рўза ойида (хотинларини) ўпар эдилар. Абу Исо айтди: Оиша ҳадиси ҳасан саҳиҳ ҳадисдир. Пайғамбар ﷺнинг саҳобаларидан ва бошқалардан бўлган аҳли илм рўзадорнинг ўпиши ҳақида ихтилоф қилдилар. Пайғамбар ﷺнинг баъзи саҳобалари кекса киши учун ўпишга рухсат бердилар, йигит учун эса рўзаси бузилишидан қўрқиб рухсат бермадилар, улар наздида мубошарат (баданини тегизиш) ундан қаттиқроқдир. Баъзи аҳли илм: «Ўпиш ажрни камайтиради, лекин рўзадорни ифтор қилдирмайди», дедилар. Улар: «Рўзадор ўзини тута оладиган бўлса ўпса бўлади, ўзидан амин бўлмаса, рўзаси бузилмаслиги учун ўпишни тарк қилсин», деб кўрдилар. Бу Суфён Саврий ва Шофиъийнинг сўзидир.