حَدَّثَنَا ابْنُ أَبِي عُمَرَ، حَدَّثَنَا سُفْيَانُ بْنُ عُيَيْنَةَ، عَنْ أَيُّوبَ السَّخْتِيَانِيِّ، وَابْنِ أَبِي نَجِيحٍ، وَحُمَيْدٍ الأَعْرَجِ، وَعَبْدِ الْكَرِيمِ، عَنْ مُجَاهِدٍ، عَنْ عَبْدِ الرَّحْمَنِ بْنِ أَبِي لَيْلَى، عَنْ كَعْبِ بْنِ عُجْرَةَ، أَنَّ النَّبِيَّ صلى الله عليه وسلم مَرَّ بِهِ وَهُوَ بِالْحُدَيْبِيَةِ قَبْلَ أَنْ يَدْخُلَ مَكَّةَ وَهُوَ مُحْرِمٌ وَهُوَ يُوقِدُ تَحْتَ قِدْرٍ وَالْقَمْلُ يَتَهَافَتُ عَلَى وَجْهِهِ فَقَالَ " أَتُؤْذِيكَ هَوَامُّكَ هَذِهِ " . فَقَالَ نَعَمْ . فَقَالَ " احْلِقْ وَأَطْعِمْ فَرَقًا بَيْنَ سِتَّةِ مَسَاكِينَ " . وَالْفَرَقُ ثَلاَثَةُ آصُعٍ " أَوْ صُمْ ثَلاَثَةَ أَيَّامٍ أَوِ انْسُكْ نَسِيكَةً " . قَالَ ابْنُ أَبِي نَجِيحٍ " أَوِ اذْبَحْ شَاةً " . قَالَ أَبُو عِيسَى هَذَا حَدِيثٌ حَسَنٌ صَحِيحٌ . وَالْعَمَلُ عَلَيْهِ عِنْدَ بَعْضِ أَهْلِ الْعِلْمِ مِنْ أَصْحَابِ النَّبِيِّ صلى الله عليه وسلم وَغَيْرِهِمْ أَنَّ الْمُحْرِمَ إِذَا حَلَقَ رَأْسَهُ أَوْ لَبِسَ مِنَ الثِّيَابِ مَا لاَ يَنْبَغِي لَهُ أَنْ يَلْبَسَ فِي إِحْرَامِهِ أَوْ تَطَيَّبَ فَعَلَيْهِ الْكَفَّارَةُ بِمِثْلِ مَا رُوِيَ عَنِ النَّبِيِّ صلى الله عليه وسلم .
Abdurahmon ibn Abu Laylo (rahimahulloh) Kaʼb ibn Ujradan rivoyat qiladi: Nabiy ﷺ Makkaga kirishlaridan oldin Hudaybiyada uning yonidan oʻtdilar. U muhrim edi, qozon tagiga oʻt yoqayotgan va bitlar yuziga toʻkilayotgan edi. Shunda u zot: «Bu hashoroting senga ozor beryaptimi?» dedilar. U: «Ha», dedi. U zot: «Sochingni olib tashla va olti miskinga bir faraq (taom) ber — faraq esa uch soʼdir — yoki uch kun roʻza tut, yoki bir qurbonlik soʻy», dedilar. Ibn Abu Najih (rivoyatchilardan biri): «Yoki bir qoʻy soʻy», dedi. Abu Iso aytdi: Bu hadis hasan sahihdir. Paygʻambar ﷺ sahobalaridan baʼzi ilm ahli va boshqalarning amali shunga binoandir: muhrim sochini olsa, yo ehromda kiyish unga durust boʻlmagan kiyimni kiysa, yo xushboʻylik surtsa, unga Nabiy ﷺdan rivoyat qilingani kabi kafforat lozim boʻladi.Абдураҳмон ибн Абу Лайло (раҳимаҳуллоҳ) Каъб ибн Ужрадан ривоят қилади: Набий ﷺ Маккага киришларидан олдин Ҳудайбияда унинг ёнидан ўтдилар. У муҳрим эди, қозон тагига ўт ёқаётган ва битлар юзига тўкилаётган эди. Шунда у зот: «Бу ҳашоротинг сенга озор беряптими?» дедилар. У: «Ҳа», деди. У зот: «Сочингни олиб ташла ва олти мискинга бир фарақ (таом) бер — фарақ эса уч сўдир — ёки уч кун рўза тут, ёки бир қурбонлик сўй», дедилар. Ибн Абу Нажиҳ (ривоятчилардан бири): «Ёки бир қўй сўй», деди. Абу Исо айтди: Бу ҳадис ҳасан саҳиҳдир. Пайғамбар ﷺ саҳобаларидан баъзи илм аҳли ва бошқаларнинг амали шунга биноандир: муҳрим сочини олса, ё эҳромда кийиш унга дуруст бўлмаган кийимни кийса, ё хушбўйлик суртса, унга Набий ﷺдан ривоят қилингани каби каффорат лозим бўлади.