حَدَّثَنَا سَعِيدُ بْنُ مَنْصُورٍ، حَدَّثَنَا عَبْدُ الرَّحْمَنِ بْنُ أَبِي الزِّنَادِ، عَنْ أَبِيهِ، عَنْ خَارِجَةَ بْنِ زَيْدٍ، عَنْ زَيْدِ بْنِ ثَابِتٍ، قَالَ : كُنْتُ إِلَى جَنْبِ رَسُولِ اللَّهِ صلى الله عليه وسلم فَغَشِيَتْهُ السَّكِينَةُ فَوَقَعَتْ فَخِذُ رَسُولِ اللَّهِ صلى الله عليه وسلم عَلَى فَخِذِي، فَمَا وَجَدْتُ ثِقَلَ شَىْءٍ أَثْقَلَ مِنْ فَخِذِ رَسُولِ اللَّهِ صلى الله عليه وسلم ثُمَّ سُرِّيَ عَنْهُ فَقَالَ : " اكْتُبْ " . فَكَتَبْتُ فِي كَتِفٍ : لاَ يَسْتَوِي الْقَاعِدُونَ مِنَ الْمُؤْمِنِينَ وَالْمُجَاهِدُونَ فِي سَبِيلِ اللَّهِ . إِلَى آخِرِ الآيَةِ، فَقَامَ ابْنُ أُمِّ مَكْتُومٍ - وَكَانَ رَجُلاً أَعْمَى - لَمَّا سَمِعَ فَضِيلَةَ الْمُجَاهِدِينَ فَقَالَ : يَا رَسُولَ اللَّهِ فَكَيْفَ بِمَنْ لاَ يَسْتَطِيعُ الْجِهَادَ مِنَ الْمُؤْمِنِينَ فَلَمَّا قَضَى كَلاَمَهُ غَشِيَتْ رَسُولَ اللَّهِ صلى الله عليه وسلم السَّكِينَةُ فَوَقَعَتْ فَخِذُهُ عَلَى فَخِذِي وَوَجَدْتُ مِنْ ثِقَلِهَا فِي الْمَرَّةِ الثَّانِيَةِ كَمَا وَجَدْتُ فِي الْمَرَّةِ الأُولَى ثُمَّ سُرِّيَ عَنْ رَسُولِ اللَّهِ صلى الله عليه وسلم فَقَالَ : " اقْرَأْ يَا زَيْدُ " . فَقَرَأْتُ { لاَ يَسْتَوِي الْقَاعِدُونَ مِنَ الْمُؤْمِنِينَ } فَقَالَ رَسُولُ اللَّهِ صلى الله عليه وسلم { غَيْرُ أُولِي الضَّرَرِ } الآيَةَ كُلَّهَا . قَالَ زَيْدٌ : فَأَنْزَلَهَا اللَّهُ وَحْدَهَا فَأَلْحَقْتُهَا، وَالَّذِي نَفْسِي بِيَدِهِ لَكَأَنِّي أَنْظُرُ إِلَى مُلْحَقِهَا عِنْدَ صَدْعٍ فِي كَتِفٍ .
Zayd ibn Sobit (roziyallohu anhu)dan rivoyat qilinadi: Men Rasululloh ﷺning yonlarida edim. U zotni vahy (sakinasi) qopladi va Rasululloh ﷺning sonlari mening sonimning ustiga tushdi. Men Rasululloh ﷺning sonlaridan ogʻirroq biron narsaning ogʻirligini sezmaganman. Soʻng u zotdan (vahy holati) koʻtarildi-da: «Yozgin», dedilar. Men kurak suyagiga: {Moʻminlardan (uzrli boʻlmay) oʻtirib qoluvchilar bilan Alloh yoʻlida jihod qiluvchilar barobar emas} oyatining oxirigacha yozdim. Mujohidlarning fazlini eshitgan Ibn Ummi Maktum — u koʻzi ojiz kishi edi — oʻrnidan turib: «Ey Allohning Rasuli, moʻminlardan jihodga qodir boʻlmaganlarning holi nima boʻladi?» dedi. U gapini tugatishi bilan Rasululloh ﷺni (yana vahy sakinasi) qopladi va sonlari mening sonimning ustiga tushdi. Men ikkinchi martada ham uning ogʻirligini xuddi birinchi martadagidek sezdim. Soʻng Rasululloh ﷺdan (vahy holati) koʻtarildi-da: «Oʻqigin, ey Zayd», dedilar. Men: {Moʻminlardan (uzrli boʻlmay) oʻtirib qoluvchilar barobar emas} deb oʻqidim. Shunda Rasululloh ﷺ: {uzrlilardan boshqa} (Niso 95) — deya oyatni toʻliq (aytdilar). Zayd dedi: «Alloh uni (mana shu jumlani) yolgʻiz oʻzini nozil qildi, men esa uni (oyatga) qoʻshdim. Jonim qoʻlida boʻlgan Zot bilan ont ichamanki, men uni qoʻshgan joyini — kurak suyagidagi yoriqning oldida — hamon koʻrib turgandekman».Зайд ибн Собит (розияллоҳу анҳу)дан ривоят қилинади: Мен Расулуллоҳ ﷺнинг ёнларида эдим. У зотни ваҳй (сакинаси) қоплади ва Расулуллоҳ ﷺнинг сонлари менинг сонимнинг устига тушди. Мен Расулуллоҳ ﷺнинг сонларидан оғирроқ бирон нарсанинг оғирлигини сезмаганман. Сўнг у зотдан (ваҳй ҳолати) кўтарилди-да: «Ёзгин», дедилар. Мен курак суягига: {Мўминлардан (узрли бўлмай) ўтириб қолувчилар билан Аллоҳ йўлида жиҳод қилувчилар баробар эмас} оятининг охиригача ёздим. Мужоҳидларнинг фазлини эшитган Ибн Умми Мактум — у кўзи ожиз киши эди — ўрнидан туриб: «Эй Аллоҳнинг Расули, мўминлардан жиҳодга қодир бўлмаганларнинг ҳоли нима бўлади?» деди. У гапини тугатиши билан Расулуллоҳ ﷺни (яна ваҳй сакинаси) қоплади ва сонлари менинг сонимнинг устига тушди. Мен иккинчи мартада ҳам унинг оғирлигини худди биринчи мартадагидек сездим. Сўнг Расулуллоҳ ﷺдан (ваҳй ҳолати) кўтарилди-да: «Ўқигин, эй Зайд», дедилар. Мен: {Мўминлардан (узрли бўлмай) ўтириб қолувчилар баробар эмас} деб ўқидим. Шунда Расулуллоҳ ﷺ: {узрлилардан бошқа} (Нисо 95) — дея оятни тўлиқ (айтдилар). Зайд деди: «Аллоҳ уни (мана шу жумлани) ёлғиз ўзини нозил қилди, мен эса уни (оятга) қўшдим. Жоним қўлида бўлган Зот билан онт ичаманки, мен уни қўшган жойини — курак суягидаги ёриқнинг олдида — ҳамон кўриб тургандекман».