Amr ibn Salama (roziyallohu anhu) aytdi: Bizlar (yoʻl boʻyidagi) bir manzilda yashar edik. Odamlar Paygʻambar ﷺning huzurlariga kelganlarida, yonimizdan oʻtib ketardi. Qaytishlarida ham yonimizdan oʻtib, bizga Rasululloh ﷺ ana-mana deganlari haqida xabar berishardi. Men yodlash (qobiliyati) kuchli bola edim, shu (xabarlardan) koʻp Qurʼon yodlab oldim. Soʻng otam qavmidan bir guruh kishilar bilan Rasululloh ﷺning huzurlariga elchi boʻlib bordi. (U zot) ularga namozni oʻrgatdilar-da: «Sizlarga ichingizda eng koʻp (Qurʼon) oʻqiy oladiganingiz imomlik qilsin», dedilar. Men yodlaganim sababli ulardan koʻra koʻproq (Qurʼon) oʻqiy olar edim, shuning uchun ular meni (imomlikka) oldinga oʻtkazishdi. Men ularga imomlik qilar edim, ustimda esa oʻzimning kichkina sariq jundam (ridom) bor edi. Sajda qilganimda u ochilib qolardi. Shunda ayollardan biri: «Qorimizning avratini bizdan toʻsib qoʻyinglar!» dedi. Soʻng ular menga ummoniy koʻylak sotib olishdi. Men Islomdan keyin hech narsadan unga xursand boʻlganchalik xursand boʻlmaganman. Men ularga yetti yoki sakkiz yoshli bola chogʻimda imomlik qilar edim.Амр ибн Салама (розияллоҳу анҳу) айтди: Бизлар (йўл бўйидаги) бир манзилда яшар эдик. Одамлар Пайғамбар ﷺнинг ҳузурларига келганларида, ёнимиздан ўтиб кетарди. Қайтишларида ҳам ёнимиздан ўтиб, бизга Расулуллоҳ ﷺ ана-мана деганлари ҳақида хабар беришарди. Мен ёдлаш (қобилияти) кучли бола эдим, шу (хабарлардан) кўп Қуръон ёдлаб олдим. Сўнг отам қавмидан бир гуруҳ кишилар билан Расулуллоҳ ﷺнинг ҳузурларига элчи бўлиб борди. (У зот) уларга намозни ўргатдилар-да: «Сизларга ичингизда энг кўп (Қуръон) ўқий оладиганингиз имомлик қилсин», дедилар. Мен ёдлаганим сабабли улардан кўра кўпроқ (Қуръон) ўқий олар эдим, шунинг учун улар мени (имомликка) олдинга ўтказишди. Мен уларга имомлик қилар эдим, устимда эса ўзимнинг кичкина сариқ жундам (ридом) бор эди. Сажда қилганимда у очилиб қоларди. Шунда аёллардан бири: «Қоримизнинг авратини биздан тўсиб қўйинглар!» деди. Сўнг улар менга уммоний кўйлак сотиб олишди. Мен Исломдан кейин ҳеч нарсадан унга хурсанд бўлганчалик хурсанд бўлмаганман. Мен уларга етти ёки саккиз ёшли бола чоғимда имомлик қилар эдим.