Ali ibn Yahyo ibn Xallod otasidan, u amakisi Rifoʼa ibn Rofiʼ (roziyallohu anhu)dan shu maʼnoda rivoyat qiladi. (Rifoʼa) dedi: Rasululloh ﷺ shunday dedilar: «Hech biringizning namozi Alloh azza va jalla amr qilganidek taharatni mukammal qilmaguncha tugal boʻlmaydi: yuzini va qoʻllarini tirsaklarigacha yuvadi, boshiga mash tortadi va oyoqlarini toʻpiqlarigacha (yuvadi). Soʻngra Alloh azza va jallaga takbir aytadi va Unga hamd aytadi. Soʻngra Qurʼondan oʻziga ruxsat berilgan va muyassar boʻlganini oʻqiydi». Soʻng Hammod hadisiga oʻxshatib zikr qildi. (Rifoʼa) dedi: «Soʻngra takbir aytib sajda qiladi va yuzini (yerga) mahkam qoʻyadi». Hammom aytadi: Goho u: «Boʻgʻimlari muqim boʻlib, yumshaguncha peshonasini yerga (qoʻyadi). Soʻngra takbir aytib, oʻtiradigan joyiga rostlanib oʻtiradi va belini tik tutadi», dedi. Bas, namozni shu tarzda — toʻrt rakaatni tamomlagunicha — vasf qildi (tasvirladi) va: «Hech biringizning namozi shuni qilmaguncha tugal boʻlmaydi», dedi.Али ибн Яҳё ибн Халлод отасидан, у амакиси Рифўа ибн Рофиъ (розияллоҳу анҳу)дан шу маънода ривоят қилади. (Рифўа) деди: Расулуллоҳ ﷺ шундай дедилар: «Ҳеч бирингизнинг намози Аллоҳ азза ва жалла амр қилганидек таҳаратни мукаммал қилмагунча тугал бўлмайди: юзини ва қўлларини тирсакларигача ювади, бошига маш тортади ва оёқларини тўпиқларигача (ювади). Сўнгра Аллоҳ азза ва жаллага такбир айтади ва Унга ҳамд айтади. Сўнгра Қуръондан ўзига рухсат берилган ва муяссар бўлганини ўқийди». Сўнг Ҳаммод ҳадисига ўхшатиб зикр қилди. (Рифўа) деди: «Сўнгра такбир айтиб сажда қилади ва юзини (ерга) маҳкам қўяди». Ҳаммом айтади: Гоҳо у: «Бўғимлари муқим бўлиб, юмшагунча пешонасини ерга (қўяди). Сўнгра такбир айтиб, ўтирадиган жойига ростланиб ўтиради ва белини тик тутади», деди. Бас, намозни шу тарзда — тўрт ракаатни тамомлагунича — васф қилди (тасвирлади) ва: «Ҳеч бирингизнинг намози шуни қилмагунча тугал бўлмайди», деди.