Yaziyd ibn Abdulloh (rahimahulloh)dan rivoyat qilinadi, u dedi: Biz Mirbadda edik. Shunda sochi toʻzigʻan bir kishi qoʻlida bir parcha qizil teri (bilan) keldi. Biz: «Sen badaviy ahlidan koʻrinasan», dedik. U: «Ha», dedi. Biz: «Qoʻlingdagi shu teri parchasini bizga ber-chi», dedik. U buni bizga uzatdi. Biz uni oʻqib koʻrsak, unda shunday (yozilgan) edi: «Muhammad Rasulullohdan Banu Zuhayr ibn Uqaysh (qabilasi)ga: Albatta, agar siz ‹Allohdan oʻzga iloh yoʻq va Muhammad Allohning elchisidir› deb guvohlik bersangiz, namozni barpo qilsangiz, zakotni bersangiz, gʻanimatdan beshdan birini hamda Nabiy ﷺning ulushi va (as-)Safiy ulushini ado etsangiz, Allohning va Uning Rasulining omonida tinch boʻlasizlar». Biz: «Senga bu xatni kim yozib berdi?» dedik. U: «Rasululloh ﷺ», dedi.Язийд ибн Абдуллоҳ (раҳимаҳуллоҳ)дан ривоят қилинади, у деди: Биз Мирбадда эдик. Шунда сочи тўзиған бир киши қўлида бир парча қизил тери (билан) келди. Биз: «Сен бадавий аҳлидан кўринасан», дедик. У: «Ҳа», деди. Биз: «Қўлингдаги шу тери парчасини бизга бер-чи», дедик. У буни бизга узатди. Биз уни ўқиб кўрсак, унда шундай (ёзилган) эди: «Муҳаммад Расулуллоҳдан Бану Зуҳайр ибн Уқайш (қабиласи)га: Албатта, агар сиз ‹Аллоҳдан ўзга илоҳ йўқ ва Муҳаммад Аллоҳнинг элчисидир› деб гувоҳлик берсангиз, намозни барпо қилсангиз, закотни берсангиз, ғаниматдан бешдан бирини ҳамда Набий ﷺнинг улуши ва (ас-)Сафий улушини адо этсангиз, Аллоҳнинг ва Унинг Расулининг омонида тинч бўласизлар». Биз: «Сенга бу хатни ким ёзиб берди?» дедик. У: «Расулуллоҳ ﷺ», деди.