Anas ibn Molik (roziyallohu anhu) aytdi: Rasululloh ﷺ davrlarida Madina ahlini qurgʻoqchilik tutdi. U zot juma kuni bizga xutba qilib turganlarida, bir kishi oʻrnidan turib: «Yo Rasululloh, otlar nobud boʻldi, qoʻylar nobud boʻldi, bizga suv (yomgʻir) berishini Allohdan soʻrang», dedi. Shunda u zot ikki qoʻllarini choʻzib duo qildilar. Anas (roziyallohu anhu) aytdi: Holbuki osmon xuddi oynadek (toza) edi. Soʻng shamol turdi, keyin bulut paydo boʻldi, soʻngra (bulutlar) toʻplandi, keyin osmon jala yogʻdirdi. Biz suvni kechib chiqib, manzillarimizga yetib bordik. Yomgʻir keyingi jumagacha tinmadi. Shunda oʻsha kishi yoki boshqasi u zotning oldilariga turib: «Yo Rasululloh, uylar buzilib ketdi, uni (yomgʻirni) toʻxtatishini Allohdan soʻrang», dedi. Rasululloh ﷺ tabassum qildilar, soʻngra: «Atrofimizga (yogʻsin), ustimizga emas», dedilar. Shunda men bulutga qaradim — u Madinaning atrofida toj kabi yorilib (tarqalib) borardi.Анас ибн Молик (розияллоҳу анҳу) айтди: Расулуллоҳ ﷺ даврларида Мадина аҳлини қурғоқчилик тутди. У зот жума куни бизга хутба қилиб турганларида, бир киши ўрнидан туриб: «Ё Расулуллоҳ, отлар нобуд бўлди, қўйлар нобуд бўлди, бизга сув (ёмғир) беришини Аллоҳдан сўранг», деди. Шунда у зот икки қўлларини чўзиб дуо қилдилар. Анас (розияллоҳу анҳу) айтди: Ҳолбуки осмон худди ойнадек (тоза) эди. Сўнг шамол турди, кейин булут пайдо бўлди, сўнгра (булутлар) тўпланди, кейин осмон жала ёғдирди. Биз сувни кечиб чиқиб, манзилларимизга етиб бордик. Ёмғир кейинги жумагача тинмади. Шунда ўша киши ёки бошқаси у зотнинг олдиларига туриб: «Ё Расулуллоҳ, уйлар бузилиб кетди, уни (ёмғирни) тўхтатишини Аллоҳдан сўранг», деди. Расулуллоҳ ﷺ табассум қилдилар, сўнгра: «Атрофимизга (ёғсин), устимизга эмас», дедилар. Шунда мен булутга қарадим — у Мадинанинг атрофида тож каби ёрилиб (тарқалиб) борарди.