Abu Zarr (roziyallohu anhu)dan, Paygʻambar ﷺdan rivoyat qilinadi: U zot dedilar: «Odam bolasining har bir boʻgʻimi uchun har kuni ertalab sadaqa (lozim) boʻladi. Uchragan kishiga salom berishi sadaqa, yaxshilikka buyurishi sadaqa, yomonlikdan qaytarishi sadaqa, yoʻldan zararli narsani olib tashlashi sadaqa, ahli (xotini) bilan yaqinlik qilishi sadaqadir. Bularning barchasi oʻrniga zuhoning ikki rakʼati kifoya qiladi». Abu Dovud aytadi: Abbodning hadisi mukammalroqdir. Musaddad (oʻz rivoyatida) buyurish va qaytarishni zikr qilmagan, balki hadisida (boshqa narsa) qoʻshib: «shunday va shunday» deb aytgan. Ibn Maniʼ esa oʻz hadisida (quyidagini) qoʻshgan: Ular: «Ey Rasululloh! Bizdan biri oʻz shahvatini qondiradi-yu, unga sadaqa boʻladimi?» dedilar. U zot: «Aytingchi, agar uni harom yoʻlga qoʻyganida gunohkor boʻlmasmidi?» dedilar.Абу Зарр (розияллоҳу анҳу)дан, Пайғамбар ﷺдан ривоят қилинади: У зот дедилар: «Одам боласининг ҳар бир бўғими учун ҳар куни эрталаб садақа (лозим) бўлади. Учраган кишига салом бериши садақа, яхшиликка буюриши садақа, ёмонликдан қайтариши садақа, йўлдан зарарли нарсани олиб ташлаши садақа, аҳли (хотини) билан яқинлик қилиши садақадир. Буларнинг барчаси ўрнига зуҳонинг икки ракъати кифоя қилади». Абу Довуд айтади: Аббоднинг ҳадиси мукаммалроқдир. Мусаддад (ўз ривоятида) буюриш ва қайтаришни зикр қилмаган, балки ҳадисида (бошқа нарса) қўшиб: «шундай ва шундай» деб айтган. Ибн Маниъ эса ўз ҳадисида (қуйидагини) қўшган: Улар: «Эй Расулуллоҳ! Биздан бири ўз шаҳватини қондиради-ю, унга садақа бўладими?» дедилар. У зот: «Айтингчи, агар уни ҳаром йўлга қўйганида гуноҳкор бўлмасмиди?» дедилар.