Muoviya ibn Suvayd (roziyallohu anhu)dan rivoyat qilinadi, u dedi: Men oʻzimizning bir mavlomizning yuziga shapaloq urdim, soʻng kelsam, otam peshin namozida edi, men u bilan birga namoz oʻqidim. U salom berganidan keyin qoʻlimdan ushlab: «Undan oʻchingni ol», dedi. (Mavlo esa) avf qildi. Soʻng u gapira boshlab dedi: Biz — Muqarrin oʻgʻillari Rasululloh ﷺ zamonida yetti kishi edik, bizda bitta xizmatkordan boshqasi yoʻq edi. Bizdan biri uning yuziga shapaloq urdi. Bu Nabiy ﷺga yetib bordi, shunda u zot: «Uni ozod qilinglar», dedilar. Ular: «Bizda undan boshqa xizmatkor yoʻq», dedilar. U zot: «Undan xizmat olib tursinlar, qachon undan beparvo (mustagʻniy) boʻlsalar, uni ozod qilib yuborsinlar», dedilar.Муовия ибн Сувайд (розияллоҳу анҳу)дан ривоят қилинади, у деди: Мен ўзимизнинг бир мавломизнинг юзига шапалоқ урдим, сўнг келсам, отам пешин намозида эди, мен у билан бирга намоз ўқидим. У салом берганидан кейин қўлимдан ушлаб: «Ундан ўчингни ол», деди. (Мавло эса) авф қилди. Сўнг у гапира бошлаб деди: Биз — Муқаррин ўғиллари Расулуллоҳ ﷺ замонида етти киши эдик, бизда битта хизматкордан бошқаси йўқ эди. Биздан бири унинг юзига шапалоқ урди. Бу Набий ﷺга етиб борди, шунда у зот: «Уни озод қилинглар», дедилар. Улар: «Бизда ундан бошқа хизматкор йўқ», дедилар. У зот: «Ундан хизмат олиб турсинлар, қачон ундан бепарво (мустағний) бўлсалар, уни озод қилиб юборсинлар», дедилар.