Alqama (rahimahulloh) aytdi: Biz Abdullohning huzurida oʻtirgan edik, biz bilan Zayd ibn Hudayr ham bor edi. Shunda huzurimizga Xabbob kirdi va: «Ey Abu Abdurrahmon! Mana shularning hammasi sen oʻqigandek oʻqiydimi?» dedi. U: «Xohlasang, ulardan biriga buyuraman, u senga oʻqib beradi», dedi. U: «Ha», dedi. Bas, u menga: «Oʻqi», dedi. Shunda Ibn Hudayr: «Unga oʻqishni buyuryapsanmi? Holbuki u bizning eng koʻp oʻquvchimiz emas-ku», dedi. U: «Ogoh boʻl! Allohga qasamki, xohlasang, Rasululloh ﷺ sening qavming va uning qavmi haqida nima deganlarini senga albatta xabar beraman», dedi. (Alqama) dedi: Bas, men Maryamdan ellik oyat oʻqidim. Xabbob: «Yaxshi oʻqiding», dedi. Abdulloh: «Men oʻqiydigan hech narsa yoʻqki, uni u ham oʻqigan boʻlmasa», dedi. Soʻng Abdulloh Xabbobga: «Bu uzukni tashlash vaqti kelmadimi?» dedi. U: «Ogoh boʻl, sen bugundan keyin uni menda koʻrmaysan», dedi. Uzuk oltindan edi.Алқама (раҳимаҳуллоҳ) айтди: Биз Абдуллоҳнинг ҳузурида ўтирган эдик, биз билан Зайд ибн Ҳудайр ҳам бор эди. Шунда ҳузуримизга Хаббоб кирди ва: «Эй Абу Абдурраҳмон! Мана шуларнинг ҳаммаси сен ўқигандек ўқийдими?» деди. У: «Хоҳласанг, улардан бирига буюраман, у сенга ўқиб беради», деди. У: «Ҳа», деди. Бас, у менга: «Ўқи», деди. Шунда Ибн Ҳудайр: «Унга ўқишни буюряпсанми? Ҳолбуки у бизнинг энг кўп ўқувчимиз эмас-ку», деди. У: «Огоҳ бўл! Аллоҳга қасамки, хоҳласанг, Расулуллоҳ ﷺ сенинг қавминг ва унинг қавми ҳақида нима деганларини сенга албатта хабар бераман», деди. (Алқама) деди: Бас, мен Марямдан эллик оят ўқидим. Хаббоб: «Яхши ўқидинг», деди. Абдуллоҳ: «Мен ўқийдиган ҳеч нарса йўқки, уни у ҳам ўқиган бўлмаса», деди. Сўнг Абдуллоҳ Хаббобга: «Бу узукни ташлаш вақти келмадими?» деди. У: «Огоҳ бўл, сен бугундан кейин уни менда кўрмайсан», деди. Узук олтиндан эди.