Abdulloh (roziyallohu anhu) aytadi: Men Kaʼbaning pardalari ortida yashirinib turgan edim. Bas, uch kishi keldi — qorinlaridagi yogʻi koʻp, qalblaridagi tushuncha oz edi: bir qurayshlik va uning ikki kuyovi saqafiylar, yoki bir saqafiy va uning ikki kuyovi qurayshliklar. Ular men tushunmagan bir gapni gaplashishdi. Ulardan biri: «Alloh azza va jalla shu gapimizni eshitadi deb oʻylaysizlarmi?» dedi. Boshqa ikkovi: «Ovozimizni koʻtarsak eshitadi, koʻtarmasak eshitmaydi», dedi. Yana biri: «Agar undan biror narsani eshitsa, hammasini eshitadi», dedi. Men buni Nabiy ﷺ ga aytdim. Shunda Alloh azza va jalla: {Sizlar quloqlaringiz, koʻzlaringiz va terilaringiz oʻzlaringizga qarshi guvohlik berishidan yashirinmas edingizlar} (oyatidan) to {Robbingiz haqida oʻylagan mana shu gumoningiz sizlarni halok qildi, bas, ziyon koʻruvchilardan boʻlib qoldingiz} (degan soʻzigacha) nozil qildi.Абдуллоҳ (розияллоҳу анҳу) айтади: Мен Каъбанинг пардалари ортида яшириниб турган эдим. Бас, уч киши келди — қоринларидаги ёғи кўп, қалбларидаги тушунча оз эди: бир қурайшлик ва унинг икки куёви сақафийлар, ёки бир сақафий ва унинг икки куёви қурайшликлар. Улар мен тушунмаган бир гапни гаплашишди. Улардан бири: «Аллоҳ азза ва жалла шу гапимизни эшитади деб ўйлайсизларми?» деди. Бошқа иккови: «Овозимизни кўтарсак эшитади, кўтармасак эшитмайди», деди. Яна бири: «Агар ундан бирор нарсани эшитса, ҳаммасини эшитади», деди. Мен буни Набий ﷺ га айтдим. Шунда Аллоҳ азза ва жалла: {Сизлар қулоқларингиз, кўзларингиз ва териларингиз ўзларингизга қарши гувоҳлик беришидан яширинмас эдингизлар} (оятидан) то {Роббингиз ҳақида ўйлаган мана шу гумонингиз сизларни ҳалок қилди, бас, зиён кўрувчилардан бўлиб қолдингиз} (деган сўзигача) нозил қилди.